ବାଲେଶ୍ୱର (ବଡ଼ ଖବର ବ୍ୟୁରୋ): କରୋନା କଟକଣାକୁ ଫୁ, ଚାଲିଲା ସେଲିବ୍ରେସନ, ଝୁମିଲେ ଦର୍ଶକ । ଏପରି ଦୃଶ୍ୟ ଦେଖିବାକୁ ମିଳିଛି ଭୋଗରାଇ ବ୍ଲକ କମର୍ଦ୍ଦା ଠାରେ । ସେଲିବ୍ରେଟିଙ୍କ ଦ୍ୱାରା ଶୁକ୍ରବାର ରାତିରେ ଚାଲିଥିଲା ମ୍ୟୁଜିକାଲ ନାଇଟ ସୋ । ଦର୍ଶକଙ୍କୁ ନେଇ ଚାଲଇଥିଲା ଏହି କାର୍ଯ୍ୟକ୍ରମ । ନାଥିଲା ସାମାଜିକ ଦୂରତା ନା କାହାରି ମୁହଁରେ ମାସ୍କ । । ଏଭଳି ସ୍ଥିତିରେ କରୋନା ସଂକ୍ରମଣକୁ ରୋକିବାରେ ସ୍ଥାନୀୟ ପୋଲିସର କାର୍ଯ୍ୟକଳାପକୁ ନେଇ ସାଧାରଣରେ ସନ୍ଦେହ ସୃଷ୍ଟି ହୋଇଛି ।
ଏନେଇ ଭୋଗରାଇ ତହସିଲଦାର କମଳାକାନ୍ତ କହିଛନ୍ତି , କମର୍ଦା ଥାନା ଅଧିକାରୀଙ୍କ ଦ୍ୱାରା ପଠାଯାଇଥିବା ଅନୁମତି ପତ୍ରକୁ ସେ ପ୍ରତ୍ୟାଖ୍ୟାନ କରି କାର୍ଯ୍ୟକ୍ରମକୁ ବାତିଲ କରିବା ପାଇଁ ପରାମର୍ଶ ଦେଇଥିଲେ । ଏନେଇ ଥାନା ଅଧିକାରୀ କହିଛନ୍ତି ଭୁଜାଖିଆ ସ୍ଥାନରେ ୨୦୦ରୁ ଅଧିକ ଲୋକଙ୍କ ସମାଗମ ହୋଇଛନ୍ତିି । ଯାନିଯାତ୍ରା କରୋନା କଟକଣା ପାଇଁ ବନ୍ଦ ହୋଇଥିବା ବେଳେ ଏତେ ଦର୍ଶକଙ୍କୁ କେମିତି ହେଲା ସେଲିବ୍ରେସନ ତାକୁ ନେଇ ଏବେ ବଡ ପ୍ରଶ୍ନ ସୃଷ୍ଟି ହୋଇଛି ।
