Before Header

୧୦୦ ଦ୍ୱାର ବିଶିଷ୍ଟ ମନ୍ଦିର, ଜାଣିଲେ ଆପଣଙ୍କ ମଥା ନଇଁଯିବ

0 36

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୃଥିବୀରେ ଥିବା ବିଭିନ୍ନ ଉପାସନା ପୀଠରେ ଲାଗିଥିବା କବାଟ ସଂଖ୍ୟା କେତେ ହେବ? ୪, ୮, ୧୬ କିମ୍ବା ୩୨ । ମାତ୍ର ପୃଥିବୀରେ ଏମିତି ମନ୍ଦିର ଅଛି ଯାହାର କବାଟ ସଂଖ୍ୟ ୧୦୦ । ଏହି ମନ୍ଦିର ଅଛି ବାଂଲାଦେଶରେ । ବାଂଲାଦେଶକୁ ୨ ଦିନିଆ ଗସ୍ତରେ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଜେଶୋରେଶ୍ୱରୀ କାଳୀ ମନ୍ଦିର ଦର୍ଶନ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦର୍ଶନ ପୂର୍ବରୁ ସତଖୀରା ଜିଲ୍ଲାର ଈଶ୍ୱରପୁରସ୍ଥିତ ଏହି ମନ୍ଦିରକୁ ସୁନ୍ଦର ଭାବେ ସଜ୍ଜାଯାଇଥିଲା । ଏହି ମନ୍ଦିର ୫୧ ଶକ୍ତିପୀଠ ମଧ୍ୟରେ ଅନ୍ୟତମ ।

ପ୍ରଧାନମନ୍ତ୍ରୀ ମୋଦିଙ୍କ ଆଗମନ ପାଇଁ  କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା । ମନ୍ଦିର ପରିସର ଏବଂ ଆଖପାଖ ଅଂଚଳରେ ବ୍ୟାପକ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଥିଲ। । ମନ୍ଦିର ପୂଜାରୀ ଦିଲୀପ ମୁଖାର୍ଜୀ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ମନ୍ଦିରକୁ ଗସ୍ତ କରିବା ସୌଭାଗ୍ୟର ବିଷୟ । ପ୍ରଧାନମନ୍ତ୍ରୀ ମୋଦି ଭଗବାନ ଶିବଙ୍କର ଅନ୍ୟତମ ଭକ୍ତ । ଏହା ବ୍ୟତୀତ ସେ ମା’ଦୁର୍ଗାଙ୍କୁ ମଧ୍ୟ ପୂଜା କରନ୍ତି । ପ୍ରତିବର୍ଷ ନବରାତ୍ରୀରେ ମୋଦି ୯ ଦିନ ପାଇଁ ବ୍ରତ ମଧ୍ୟ ରଖିଥାନ୍ତି ।ବାଂଲାଦେଶର ଏହି ପ୍ରସିଦ୍ଧ ମନ୍ଦିରର ନିର୍ମାଣ ଜଣେ ବ୍ରାହ୍ମଣ କରିଥିଲେ । କିନ୍ତୁ ଏହି ମନ୍ଦିରର ନିର୍ମାଣ ଆଜି ବି ରହସ୍ୟ ଘେରରେ ରହିଛି । କାଳୀପୂଜା ସମୟରେ ଏଠାକୁ ବହୁ ସଂଖ୍ୟାରେ ଭକ୍ତଙ୍କ ଆଗମନ ହୋଇଥାଏ । ଦିନ ସାରା ମେଳା ଲାଗିଥାଏ ।

କୁହାଯାଇଥାଏ ଯେ, ମନ୍ଦିରରେ ୧୦୦ଟି କବାଟ ଲାଗିଥିଲା । କିନ୍ତୁ ବର୍ତ୍ତମାନ ମନ୍ଦିରର ପୂର୍ବ ଅବସ୍ଥା ଆଉ ନାହିଁ । ଐତିହାସିକ ତଥ୍ୟ ଅନୁସାରେ ତ୍ରୟୋଦଶ ଶତାବ୍ଦୀରେ ଲକ୍ଷ୍ମଣ ସେନ ଓ ପ୍ରତାପାଦିତ୍ୟ ଏହି ମନ୍ଦିରରେ ଜୀର୍ଣ୍ଣଦ୍ୱାର କାମ କରିଥିଲେ । ଏହା ପରେ ମନ୍ଦିର ସହିତ ସଂପର୍କିତ କୌଣସି ଐତିହାସିକ ସାକ୍ଷୀ ନାହିଁ । ୧୯୭୧ରେ ବାଂଲାଦେଶ ସ୍ୱାଧୀନତା ସମୟରେ ଏହି ମନ୍ଦିର ଦୟନୀୟ ଅବସ୍ଥାରେ ପହଂଚି ସାରିଥିଲା । ମୋଦିଙ୍କ ଗସ୍ତ ପରେ ଏହି ମନ୍ଦିରର ସୁରକ୍ଷା ପାଇଁ ବାଂଲା ସରକାର କିଛି ପଦକ୍ଷେପ ନେବେ ବୋଲି ଆଶା କରାଯାଉଛି ।

Leave A Reply

Your email address will not be published.