ରେଭ ପାର୍ଟି ମାମଲା, ଆର୍ୟନଙ୍କ ସତ

ମୁମ୍ବାଇ (ବଡ଼ ଖବର ବ୍ୟୁରୋ): ଅକ୍ଟୋବର ୨ ତାରିଖ ରାତିରେ ମୁମ୍ବାଇ ସମୁଦ୍ରରେ ବିଳାସପୂର୍ଣ୍ଣ କ୍ରୁଜ୍ ଉପରେ ହୋଇଥିବା ରେଭ ପାର୍ଟିରେ ରେଡରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଛି । ଶେଷରେ ସତ କହିଛନ୍ତି ଆର୍ୟନ୍ୟ ଖାନ । ଏନସିବି ଅଧିକାରୀଙ୍କ ନିକଟରେ ସେ ସ୍ୱୀକାର କରିଛନ୍ତି ଯେ ସେ ଚରସ ସେବନ କରିଛନ୍ତି । ଏନସିବି ରିପୋର୍ଟରେ ଏନେଇ ସ୍ପଷ୍ଟ କରାଯାଇଛି ।

ତାଙ୍କ ବନ୍ଧୁ ଅରବାଜ ମର୍ଚାଣ୍ଟ ମଧ୍ୟ ତାଙ୍କ ଜୋତାରେ ୬ ଗ୍ରାମର ପ୍ୟାକେଟ ଲୁଚାଇ ରଖିଥିଲେ । ମୁମ୍ବାଇରୁ ଗୋଆ ଯିବାକୁ ଥିବା ଏକ କ୍ରୁଜ୍ ଜାହାଜରେ ଚାଲୁଥିବା ଡ୍ରଗ୍ ପାର୍ଟିର ସାମିଲ ଥିବାରୁ ତାଙ୍କୁ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଗିରଫ କରିଥିଲା । ଅକ୍ଟୋବର ୨ ଶନିବାର ଦିନ ତାଙ୍କୁ ଏନସିବି ଗିରଫ କରିଥିଲା। ତେବେ ଆର୍ୟନ ଖାନଙ୍କ ପାଖରୁ କୌଣସି ଡ୍ରଗ୍ସ ଜବତ କରାଯାଇ ନାହିଁ ବୋଲି କୁହାଯାଇଥିଲା ।