ମାର୍କେଟକୁ ଆସିବ କରୋନାର ଟାବଲେଟ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚାଲିଛି କରୋନାର ଦ୍ୱିତୀୟ ଲହର । ସଂକ୍ରମିତଙ୍କ ସଂଖ୍ୟା କମିବା ସହିତ ମୃତ୍ୟୁ ସଂଖ୍ୟା ମଧ୍ୟ କମିବାରେ ଲାଗିଛି । କିନ୍ତୁ ଏଥିପାଇଁ କୈଣସି ସଠିକ ଔଷଧ ବହାରି ପାରନାହିଁ । ଏହାରି ଭିତରେ ଆସିଛି ଆଉ ଏକ ଖୁସି ଖବର । ଆସିବାକୁ ଯାଉଛି କରୋନାର ଔଷଧ । ଯାହାର ନା ମୋଲନୁ-ପିରାଭିର ।
ଏହାକୁ ଆଣିବାକୁ ଯାଉଛି ଆମେରିକୀୟ କମ୍ପାନୀ ମର୍କ ଏବଂ ଏହାର ସହଯୋଗୀ ରିଜବ୍ୟାକ ବାୟୋ-ଥେରା-ପିୟୁଟିକ୍ସ । ଆମେରିକାରେ ଏହି ଟାବଲେଟର ଜରୁରୀକାଳିନ ବ୍ୟବହାର ପାଇଁ ଅନୁମତି ମାଗିଛି କମ୍ପାନୀ । ତୃତୀୟ ପର୍ୟ୍ୟାୟ ପରୀକ୍ଷଣ ପରେ ଏହି ଔଷଧ କରୋନା ଆକ୍ରାନ୍ତଙ୍କ ବିରୋଧରେ ବେଶ ପ୍ରଭାବୀ ସାବ୍ୟସ୍ତ ହୋଇଛି ।
ଏହି ଟାବଲେଟ ଖାଇବା ଫଳରେ ରୋଗୀ ଗୁରୁତର ହେବା କିମ୍ବା ମୃତ୍ୟୁ ହେବାର ଆଶଙ୍କା ୫୦ପ୍ରତିଶତ କମିଯାଉଛି । ଆମେରିକାର ବିଭିନ୍ନ ହସ୍ପିଟାଲରେ ଥିବା ପ୍ରାୟ ୭୭୫ଜଣ କରୋନା ଆକ୍ରାନ୍ତଙ୍କ ଉପରେ ଏହି ପରୀକ୍ଷଣ ହୋଇଥିଲା । ମୋଲନୁ-ପିରାଭିର ଖାଇଥିବା ରୋଗୀଙ୍କର ଆଦୌ ମୃତ୍ୟୁ ହୋଇନଥିବା ବେଳେ ଟାବଲେଟ ଖାଇନଥିବା ୮ଜଣଙ୍କର ୨୯ଦିନ ପରେ ମୃତ୍ୟୁ ହୋଇଥିଲା ।