ଦିଲ୍ଲୀ ପୋଲିସକୁ କୋର୍ଟଙ୍କ ଭର୍ତ୍ସନା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀ ପୋଲିସକୁ ଭର୍ତ୍ସନା କଲେ କୋର୍ଟ । କୋର୍ଟ କହିଛନ୍ତି କି ଦଙ୍ଗାର ସବୁଠାରୁ ଖରାପ ଯାଞ୍ଚ କରିଛି ଦିଲ୍ଲୀ ପୋଲିସ । ଯେତେବେଳେ ଆଗାମୀ ପିଢ଼ୀ ଇତିହାସ ପଢ଼ିବ ସେତେବେଳେ ଦେଶର ପୋଲିସର ଏଭଳି ଦଙ୍ଗା ମାମଲାରେ ଖରାପ ଯାଞ୍ଚ କରିଥିବା ଜାଣି ନିହାତି କଷ୍ଟ ଅନୁଭବ କରିବ । ଏହି ମାମଲାର ଶୁଣାଣି ବେଳେ କୋର୍ଟ କହିଛନ୍ତି କି ପୋଲିସର ଯାଂଚ ସମ୍ବେଦନହୀନ ଓ ନିଷ୍କ୍ରିୟ ପ୍ରମାଣିତ ହୋଇଛି । କୋର୍ଟ ଆହୁରି କହିଛନ୍ତି କି ଜଣେ କନେଷ୍ଟବଳଙ୍କୁ ସାକ୍ଷୀଭାବେ ପ୍ଲାଣ୍ଟ କରାଯାଇ ମାମଲାର ମୋଡ ବଦଳାଇବାକୁ ଚେଷ୍ଟା କରିଛି ପୋଲିସ ।

ଏହାସହ ଏଭଳି ଯାଂଚ ଦ୍ୱାରା କେବଳ କରଦାତାଙ୍କ ଅର୍ଥକୁ ନଷ୍ଟ କରାଯାଇଛି । ଏହାସହ କେବଳ ଏଭଳି ମାମଲାରେ ପୋଲିସ କୋର୍ଟଙ୍କ ଆଖିରେ ପଟି ବାନ୍ଧିବାକୁ ଚେଷ୍ଟା କରୁଥିବା ଭଳି ଅନୁମାନ ହେଉଥିବା କଥା ଜଷ୍ଟିସ ବିନୋଦ ଯାଦବ କହିଛନ୍ତି ।

୨୦୨୦ ମସିହାରେ ଦିଲ୍ଲୀର ସାହିନବାଗରେ ଏନଆରସି ଓ ସିଏଏକୁ ନେଇ ଚାଲିଥିବା ଆନ୍ଦୋଳନ ସମୟରେ ଦିଲ୍ଲୀରେ ଦଙ୍ଗା ସୃଷ୍ଟି ହୋଇଥିଲା । ଏଥିରେ ଗୋଟିଏ ଗୋଷ୍ଠୀ କିଛି ଦୋକାନ ବଜାର ପୋଡିଦେବା ସହ ଏହି ଦଙ୍ଗାରେ ପାଖା ପାଖି ୫୦ ଜଣଙ୍କର ମୃତ୍ୟୁ ହୋଇଥିଲା ।