୧୬ ଦିନରେ ୩ ଜଣଙ୍କୁ ଝାମ୍ପିନେଲାଣି ମଣିଷଖିଆ କୁମ୍ଭୀର

କେନ୍ଦ୍ରାପଡ଼ା   (ବଡ଼ ଖବର ବ୍ୟୁରୋ):  ବ୍ରାହ୍ମଣୀ ନଦୀରେ ବୃଦ୍ଧଙ୍କୁ ଝାମ୍ପିନେଲା କୁମ୍ଭୀର । ସକାଳୁ ସକାଳୁ ପଟ୍ଟାମୁଣ୍ଡାଇ ଘାଗରାଡିଆ ଗାଁରେ ଘଟିଛି ଅଘଟଣ । ପଟ୍ଟାମୁଣ୍ଡାଇ ବ୍ଲକ ତରଡିପାଳ ପଞ୍ଚାୟତର ଘାଗରାଡିଆ ଗ୍ରାମର ଗଙ୍ଗାଧର ତରାଇ ବ୍ରହ୍ମାଣୀ ନଦୀ ରେ ଗାଧୋଉ ଥିବା ବେଳେ କୁମ୍ଭୀର ଟାଣି ନେଇଛି । ଘଟଣା ସ୍ଥଳରେ ପଟ୍ଟାମୁଣ୍ଡାଇ ଓ ଆଳି ଦମକଳ ବାହିନୀ ଦୁଇଟି ପାୱାର ବୋଟ ଯୋଗେ ଖୋଜାଖୋଜି କରୁଥିବା ଜଣାପଡିଛି ।

୧୬ ଦିନ ମଧ୍ୟରେ କେନ୍ଦ୍ରାପଡ଼ାର ବ୍ରାହ୍ମଣୀ ନଦୀରେ ୩ ଜଣଙ୍କ ଜୀବନ ନେଲାଣି କୁମ୍ଭୀର। ରଜ ସମୟରେ ମା’ ଆଗରେ ନାବାଳକକୁ ନଦୀ ଭିତରକୁ କୁମ୍ଭୀର ଟାଣି ନେଇଥିଲା। ସେହିପରି ଗତ ୨୨ ତାରିଖରେ ରାଜନଗର ହାତିଆଗଡ଼ି ଗାଁର ଜଣେ ମହିଳାଙ୍କୁ କୁମ୍ଭୀର ନେଇ ଯାଇଥିଲା। ଆଜି ପୁଣି ଜଣେ ବୃଦ୍ଧଙ୍କୁ କୁମ୍ଭୀର ଟାଣି ନେବା ପରେ ଅଞ୍ଚଳରେ ଆତଙ୍କ ଖେଳି ଯାଇଛି।