ନକଲି ମସଲା କମ୍ପାନୀରେ ପୁଣି ଚଢ଼ାଉ

କଟକ (ବଡ଼ ଖବର ବ୍ୟୁରୋ): ଆକ୍ସନ ମୁଡରେ କଟକ ପୋଲିସ । ଦୁଇଦିନ ତଳେ କଟକ ମାଲଗୋଦମରେ ଚାଲୁଥିବା ନକଲି ହଳଦୀ ଗୁଣ୍ଡ ଓ ଲଙ୍କା ଗୁଣ୍ଡ କମ୍ପାନୀରେ ଚଢ଼ାଉ କରାଯାଇଥିଲା ।

ଶନିବାର ଅପରାହ୍ନରେ ଜଗତପୁର ଅଞ୍ଚଳରେ ଚାଲିଥିବା ଏକ କମ୍ପାନୀରେ ପୁଣି ରେଡ୍ କରିଛି ପୋଲିସ । ସେଠାରୁ ଅପମିଶ୍ରିତ ହଳଦୀ ଗୁଣ୍ଡ ଓ ନକଲି ମସଲା ଜବତ କରାଯାଇଛି । ଜବତ ସାମଗ୍ରୀର ପରିମାଣ ୫୦ କ୍ୱିଣ୍ଟାଲରୁ ଅଧିକ ହେବ । ଏହି ମସଲା ପ୍ରସ୍ତୁତି ପାଇଁ ବ୍ୟବହୃତ ଯନ୍ତ୍ରାଶଂ ମଧ୍ୟ ଜବତ କରାଯାଇଛି ।

ପୋଲିସ ୨ଜଣଙ୍କୁ ଗିରଫ କରିଛି । ପୂର୍ବରୁ ଚୌଦ୍ୱାର ଓ ମାଲଗୋଦାମ ଥାନା ପୋଲିସ ନକଲି ମସଲା ପ୍ରସ୍ତୁତକାରୀ କମ୍ପାନୀରେ ଚଢ଼ାଉ କରି ବିପୁଳ ଅପମିଶ୍ରିତ ହଳଦୀ, ଲଙ୍କା, ଧନିଆ, ଜୀରା ଗୁଣ୍ଡ, ଘିଅ, ମହୁ ଓ ସସ୍ ଜବତ କରିଛି ।