ଚାନ୍ଦବାଲି (ବଡ଼ ଖବର ବ୍ୟୁରୋ): ହିତାଧିକାରୀଙ୍କ ସ୍ୱାସ୍ଥ୍ୟ ସହ ଖେଳ । ପିଡିଏସ ଚାଉଳ ବଦଳରେ ଖାଉଛନ୍ତି ବିଷ । ପିଡିଏସ ଚାଉଳରେ ମହାଘୋଟାଲା । ୧ ବସ୍ତା ଚାଉଳରୁ ବାହାରୁଛି ୧ କେଜି ପ୍ଲାଷ୍ଟିକ ଚାଉଳ । ଅସଲି ଚାଉଳ ବଦଳରେ ମିଳୁଛି ନକଲି ଚାଉଳ । ରାଜ୍ୟ ଏବଂ କେନ୍ଦ୍ର ସରକାର ଗରିବ ହିତାଧିକାରୀଙ୍କ ପାଇଁ ମାଗଣା ପିଡିଏସ ଚାଉଳ ବାଣ୍ଟୁଥିବା ବେଳେ ଚାଉଳରେ ମିଶୁଛି ପ୍ଲାଷ୍ଟିକ । ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଗୋପିନାଥପୁର ପଂଚାୟତ ବାଲିପଦା ଗ୍ରାମରେ ।
୩ ମାସ ପାଇଁ ହିତାଧିକାରୀଙ୍କୁ ମିଳୁଥିବା ପିଡିଏସ ଚାଉଳ ସେଥିରେ ପ୍ଲାଷ୍ଟିକ ଚାଉଳ ବାହାରୁଥିବାରୁ ଦେଖିବାକୁ ମିଳିଛି । ହିତାଧିକାରୀଙ୍କ କହିବା ମୁତାବିକ ରୋଷେଇ କରିବା ପାଇଁ ପାଣିରେ ଚାଉଳପକାଇଲେ ଏହା ଭାସୁଥିବାର ଦେଖିବାକୁ ମିଳୁଛି । ଏବଂ ନିଆଁରେ ପୋଡିଲେ ସମ୍ଫୂର୍ଣ୍ଣ ଜଳି ଯାଇ ପ୍ଲାଷ୍ଟିକର ଗନ୍ଧ ବାହାରୁଛି । ପ୍ରତେକ ଚାଉଳ ବସ୍ତାରେ ୧କେଜିରୁ ଅଧିକ ପ୍ଲାଷ୍ଟିକ ଚାଉଳ ବାହାରୁ ଥିବା କହିଛନ୍ତି ହିତାଧିକାରୀ। ଚାଉଳ ବସ୍ତାରେ ଲେଖାଥିବା ଅନୁଯାୟୀ ଏହି ଚାଉଳ ଚାନ୍ଦବାଲି ହନୁମାନ ରାଇସମିଲରୁ ଆସୁଛି । ହିତାଧିକାରୀଙ୍କ କହିବା ମୁତାବିକ ତଦନ୍ତ କରାଯିବା ନିହାତି ଆବଶ୍ୟକ।
