କଟକରେ ସର୍ବାଧିକ ୧୦୬୦ ଭିକାରୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଭିକାରୀଙ୍କ ସଂଖ୍ୟା ବଢିବାରେ ଲାଗିଛି। କଟକରେ ସର୍ବାଧିକ ୧୦୬୦ ଭିକାରୀ ଅଛନ୍ତି ବୋଲି ବିଧାୟକ ଲକ୍ଷ୍ମଣ ବାଗଙ୍କ ପ୍ରଶ୍ନରେ ଲିଖିତ ଉତ୍ତର ଦେଇଛନ୍ତି ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ବରଗଡ଼ରେ ୫୯୫, ଗଞ୍ଜାମରେ ୫୪୫ ଭିକାରୀ ଥିବାବେଳେ ବଲାଙ୍ଗିରରେ ୪୮୨, ସୁନ୍ଦରଗଡ଼ରେ ୪୧୭ ଭିକାରୀ ଅଛନ୍ତି । ସେହିପରି ପୁରୀରେ ୩୫୦ ଭିକାରୀ ଥିବା ଗୃହରେ ଲିଖିତ ଉତ୍ତର ଦେଇଛନ୍ତି ବିଧାୟକ । କହିଛନ୍ତି ରାଜ୍ୟକୁ ଭିକାରୀମୁକ୍ତ କରିବାକୁ ଯୋଜନା ଚାଲିଛି । ପ୍ରଥମ ପର୍ଯ୍ୟାୟରେ ପୁରୀ ଓ ଭୁବନେଶ୍ୱରରେ ଅଭିଯାନ ଚାଲିଛି ।