ପୋଲିସର ଦବଙ୍ଗଗିରି
ମୟୂରଭଞ୍ଜ (ବଡ଼ ଖବର ବ୍ୟୁରୋ): ପୋଲିସର ଦବଙ୍ଗଗିରି । ଆଦିବାସୀ ମହିଳାଙ୍କୁ ନିର୍ଯ୍ୟାତନା ଓ ମାଡ଼ ପ୍ରତିବାଦରେ ଥାନା ଘେରିଲେ ଗ୍ରାମବାସୀ । ଏଭଳି ଘଟଣା ଦେଖିବାକୁ ମିଳିଛି ଶୁଳିଆପଦା ଥାନା ଅଞ୍ଚଳରେ । ଶୁଳିଆପଦା ଥାନା କାଳିଆଷୋଳ ପଣ୍ଡିତ ପେଟ୍ରୋଲ ପମ୍ଫରେ କାମ କରୁଥିବା ଜଣେ ମହିଳା କର୍ମଚାରୀଙ୍କୁ ମଦପିଇ ବାରିପଦା ଫିଫତି ବାଟାଲିୟନର ସିପାହୀ ଓ ରାଜୀବ କୁମାର ନାଏକ ନାମକ ବ୍ୟକ୍ତି ଅସଦାଚରଣ ସହ ମାଡ଼ ମାରିଥିଲେ ।
ଏବଂ ମହିଳାଙ୍କୁ ଗୁଳିକରି ମାରିଦେବାର ଧମକ ଦେଇ ଚାଲିଯାଇଥିଲେ । ପରେ ପେଟ୍ରୋଲ ପମ୍ପର ମାଲିକ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ମହିଳା ଜଣଙ୍କୁ ମେଡିକାଲ ନେଇଥିଲେ ।ଏ ସମସ୍ତ ଘଟଣା ସିସିଟିଭରେ କଏଦ ହୋଇଥିଲା । ଗତ ୨ ତାରିଖରୁ ଏତଲା ଦିଆଯାଇଥିଲେ ମଧ୍ୟ ଏହାର କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିବାରୁ ପ୍ରତିବାଦ କରିଛନ୍ତି ଗ୍ରାମବାସୀ ।