ଅନ୍ତର୍ଜାତୀୟ କମର୍ସିଆଲ ବିମାନ ଉଡ଼ାଣରେ ବଢ଼ିଲା କଟକଣା

ନୁଆ ଦିଲ୍ଲୀ(ବଡ଼ ଖବର ବ୍ୟୁରୋ):    ଦିନକୁ ଦିନ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି ।  ତୃତୀୟ ଲହରର ଆଭାସ ମଧ୍ୟ ଦେଖାଦେଲାଣି । ଦୈନିକ ୪୫୦୦ ହଜାରରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ମୃତକଙ୍କ ସଂଖ୍ୟାରେ ବି ଲାଗୁନି ବ୍ରେକ୍ ।  ତେଣୁ  ଆସନ୍ତା ସେପ୍ଟେମ୍ବର ଶେଷ ୩୦ ଯାଏଁ ବିମାନ ସେବା ଉପରେ କଟକଣା ଜାରି କରାଯାଇଛି । ବର୍ତ୍ତମାନ ପରିସ୍ଥିତିକୁ ଦେଖି ସରକାର ଏଭଳି ନିଷ୍ପତି ନେଇଛନ୍ତି। ନୂଆ ନିୟମ ଅନୁଯାଇ ଆନ୍ତର୍ଜାତୀୟ କମର୍ସିଆଲ୍ ବିମାନ ସେବା ଉପରେ ରୋକ୍ ଲଗାଯାଇଛି । ଭାରତ ଓ ଭାରତର ସମସ୍ତ କମର୍ସିଆଲ ଉଡ଼ାଣ ଉପରେ ପ୍ରତିବନ୍ଧକ ଲଗାଇଛନ୍ତି ସରକାର ।

ତେବେ ଆନ୍ତର୍ଜାତୀୟ କାର୍ଗୋ ବିମାନ ଉଡ଼ାଣ ଉପରେ କୌଣସି କଟକଣା ନାହିଁ । ଆନ୍ତର୍ଜାତୀୟ ବିମାନ ଉଡ଼ାଣ ପାଇଁ ଅନୁମତି ମିଳିବ ବୋଲି ଏପଟେ ଟୁଇଟ୍ କରି ସୂଚନା ଦେଇଛି ଡିଜିସିଏ । ସୂଚନା ଅନୁଯାଇ କୋରନା ସଂକ୍ରମଣକୁ ଦୃଷ୍ଟିରେ ରଖି ପୁରା ଦେଶରେ ବିମାନ ଉଡ଼ାଣ, ଟ୍ରେନ୍ ସମସ୍ତ ସେବାକୁ ୨ ମାସ ପାଇଁ ସ୍ଥଗିତ ରଖାଯାଇଥିଲା । ଏବଂ ପରେ ମେ ମାସରେ ପୁଣି ବିମାନ ସେବା ଆରମ୍ଭ ହୋଇଥିଲା । ଏଥିରେ କେବଳ ଡୋମେଷ୍ଟିକ୍ ଏୟାର ସର୍ଭିସକୁ ହିଁ ଅନୁମତି ମିଳିଥିଲା । ହେଲେ ଏ ପର୍ଯ୍ୟନ୍ତ ବି ଆନ୍ତର୍ଜାତୀୟ ବିମାନ ସେବାକୁ ଅନୁମତି ମିଳିନି ।