ପଞ୍ଚାୟତ ଅଫିସରେ ବଟି ଆଦାୟ
ଜଟଣୀ, (ବଡ଼ ଖବର ବ୍ୟୁରୋ): ଦାଦାଙ୍କୁ ସାବାଡ଼ କରିବା ଲାଗି କମିଶନରେଟ୍ ପୋଲିସ ପକ୍ଷରୁ ‘ଦାଦା ବଟିକୁ ନା’ ଅପରେସନ ଆରମ୍ଭ ହୋଇଛି । ଦୁଇଦିନ ମଧ୍ୟରେ ଭୁବନେଶ୍ୱର ଓ କଟକର ବହୁ ଦାଦାଙ୍କୁ ଗିରଫ କରିଛି ପୋଲିସ । ଜଟଣୀ ଜାମୁକୋଳି ପଞ୍ଚାୟତ ଅଫିସରେ କିନ୍ତୁ ଦେଖିବାକୁ ମିଳିଛି ଏହାର ବ୍ୟତିକ୍ରମ ।
ପଞ୍ଚାୟତ କାର୍ଯ୍ୟାଳୟରେ ଏକ ଡବା ରଖାଯାଇ ଦଶହରା ଭେଟି ମଗାଯାଉଛି । ଯେଉଁଥିରେ ଲେଖା ଅଛି ଯେ ‘ପଞ୍ଚାୟତ ପିଅନକୁ ଦଶହରା ଭେଟି’ । ବିଭିନ୍ନ କାମରେ ପଞ୍ଚାୟତକୁ ଆସୁଥିବା ଲୋକଙ୍କଠାରୁ ଆଦାୟ କରାଯାଉଛି ବଟି । ଏ ସମ୍ପର୍କରେ ଜଟଣୀ ବିଡିଓ ସରୋଜ କୁମାର ରାଉତ କହିଛନ୍ତି ଯେ ସେ କିଛି ଜାଣିନାହାଁନ୍ତି । ଯଦି ସତ ହୋଇଥାଏ ତାହେଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।