କାଣି ନଦୀରେ ଧସିଲା ବନ୍ଧ
ଦଶରଥପୁର (ବଡ଼ ଖବର ବ୍ୟୁରୋ): ଲଗାଣ ବର୍ଷା ଯୋଗୁଁ ଧସିଲା ବୈତରଣୀ ନଦୀ ବନ୍ଧ । କାଲି ରାତି ୯ ଘଟିକା ସମୟରେ ଦୁଦୁରାଅଣ୍ଟା ପଞ୍ଚାୟତ କୁଅଁରସାହି ନିକଟରେ ୫୦ ଫୁଟ ରୁ ଅଧିକ ଧସିଲା ବୈତରଣୀ ନଦୀ ବନ୍ଧ । ଘଟଣାସ୍ଥଳରେ ପ୍ରଶାସନିକ ଅଧିକାରୀମାନେ ପହଂଚି ସ୍ଥାନୀୟ ଲୋକଙ୍କ ସହାୟତାରେ ଧସିଥିବା ସ୍ଥାନରେ ବାଲିବସ୍ଥା ପକାଯାଇଛନ୍ତି । ବୈତରଣୀ ନଦୀରେ ଜଳସ୍ତର ଅଧିକ ଥିବାରୁ ନଦୀକୁଳିଆ ଲୋକଙ୍କ ମନରେ ଭୟ ସୃଷ୍ଟି ହୋଇଛି ।
ଘଟଣାସ୍ଥଳରେ ମଙ୍ଗଳପୁର ଥାନା ର ଆଇଆଇସି ଭୁବନ କୁମାର ସେଠୀଙ୍କ ନିର୍ଦ୍ଦେଶ କ୍ରମେ ଗତକାଲି ରାତିଠୁ ବୈତରଣୀ ନଦୀ ବନ୍ଧ ଉପରେ ସୁରକ୍ଷ୍ୟା ବ୍ୟବସସ୍ଥା କରାଯାଇଛି । ଲଗାଣ ବର୍ଷା ଦ୍ବିଗୁଣ ବଢ଼ାଇଦେଇଛି ଦଶରଥପୁର ଅଞ୍ଚଳବାସୀଙ୍କ ଦୁଃଖ । ଯାହାଫଳ ରେ କେଉଁଠି ନଦୀ ବନ୍ଧର ଅତଡ଼ା ଖସି ବନ୍ଧ ଧସୁଛି ତ ଆଉ କେଉଁଠି ନଦୀ ବନ୍ଧ ବୁଡି ଗାଁ କୁ ବନ୍ୟା ଜଳ ପ୍ରବାହିତ ହେଉଛି । ଦଶରଥପୁର ରେ ଏବେ ୨୦ ରୁ ଅଧିକ ପଞ୍ଚାୟତ ଜଳବନ୍ଧୀ ଅବସ୍ଥାରେ ଅଛନ୍ତି ।