ଲଘୁଚାପ ବର୍ଷା ଚାଷୀଙ୍କ ମୁଣ୍ଡରେ ସାଜିଛି ଚଡ଼କ

ଚାନ୍ଦବାଲି (ବଡ଼ ଖବର ବ୍ୟୁରୋ): ଦୁଇ ଦୁଇଟି ବନ୍ୟାର ଦୁଃଖ ଯାଇନଥିବା ବେଳେ ଲଗାଣ ଲଘୁଚାପ ବର୍ଷା ଚାନ୍ଦବାଲି ବ୍ଲକର ଚାଷୀଙ୍କ ଦୁର୍ଦ୍ଦଶାକୁ ଆହୁରି ବଢ଼ାଇ ଦେଇଛି। ବନ୍ୟା ପାଣିରେ ଧାନତଳି ଓ ବିଭିନ୍ନ ଫସଲ ନଷ୍ଟ ହୋଇଥିବା ବେଳେ ଏବେ ଲଘୁଚାପଜନିତ ଲଗାଣ ବର୍ଷା ଚାଷୀଙ୍କ ଆଶାକୁ ମାଟିରେ ମିଶାଇ ଦେଇଛି। ଜମିରେ ପାଣି ଜମି ରହିବାରୁ ଚାଷକାମ ଆଗକୁ ବଢ଼ି ପାରୁନାହିଁ। ଚାନ୍ଦବାଲି ବ୍ଲକର ବିଭିନ୍ନ ଅଞ୍ଚଳରେ ବନ୍ୟା ପରେ ଚାଷୀମାନେ ନୂଆ କରି ଚାଷ ଆରମ୍ଭ କରିବାକୁ ଆଶା ବାନ୍ଧିଥିଲେ।

ହେଲେ ଲଗାଣ ବର୍ଷା ସେହି ଆଶା ଉପରେ ପୁଣି ପାଣି ଢାଳିଛି। ଅନେକ ଚାଷ ଜମିରେ ପାଣି ଜମି ରହିଥିବାରୁ ଧାନତଳି ପଚିଯିବା ଆଶଙ୍କା ଦେଖାଦେଇଛି । ଚାଷୀଙ୍କ କହିବା ଅନୁଯାୟୀ, ଚାଷ ପାଇଁ ଧାରକରଜ କରି ଖର୍ଚ୍ଚ କରିଥିବା ଟଙ୍କା ଫେରିବା ଆଶା ମଧ୍ୟ କ୍ଷୀଣ ହୋଇଛି। ଦୁଇ ଦୁଇଟି ବନ୍ୟାରେ ଘରଦ୍ୱାର ସହ ଚାଷ ଜମିରେ ବ୍ୟାପକ କ୍ଷତି ହୋଇଥିଲା। ବନ୍ୟା ପାଣି ଛାଡ଼ିବା ପରେ ଚାଷୀମାନେ ଜମିକୁ ସଜାଡ଼ି ପୁଣି ଚାଷ କରିବାକୁ ଚେଷ୍ଟା କରୁଥିଲେ। ହେଲେ ଏବେ ପୁଣି ଲଘୁଚାପ ବର୍ଷା ଚାଷୀଙ୍କ ମୁଣ୍ଡରେ ଚଡ଼କ ସାଜିଛି।

ଏପଟେ ଫସଲ ନଷ୍ଟ ହେବା ସହ ଚାଷୀଙ୍କ ଆର୍ଥିକ ମେରୁଦଣ୍ଡ ମଧ୍ୟ ଦୁର୍ବଳ ହୋଇପଡ଼ିଛି । ବର୍ଷକର ଆହାର ଯୋଗାଇବା ପାଇଁ ଯେଉଁ ଧାନ ଚାଷ ଉପରେ ଚାଷୀ ପରିବାର ନିର୍ଭର କରୁଥିଲେ, ତାହା ଏବେ ପାଣି ମାଡ଼ରେ ବିପଦରେ । ନିଜ ଆଖି ଆଗରେ ଫସଲ ନଷ୍ଟ ହେଉଥିବା ଦେଖି ଅନେକ ଚାଷୀ ଭାଙ୍ଗିପଡ଼ିଛନ୍ତି। ଚାଷୀମାନେ କ୍ଷୟକ୍ଷତିର ତୁରନ୍ତ ଆକଳନ କରି ଆବଶ୍ୟକ ସରକାରୀ ସହାୟତା, ଫସଲ କ୍ଷତିପୂରଣ ଓ ଚାଷ ପାଇଁ ଆବଶ୍ୟକ ସହଯୋଗ ଯୋଗାଇ ଦେବାକୁ ଦାବି କରିଛନ୍ତି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ 🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ