ରାସ୍ତାକଡରୁ ଅଚିହ୍ନା କିନ୍ନରଙ୍କ ଶବ ଉଦ୍ଧାର
ଜଗନ୍ନାଥ ପ୍ରସାଦ(ବଡ ଖବର ) ଆଜି ୨୧ନଂ ରାଜ୍ୟ ରାଜପଥର ବିଡିପୁର ନିକଟ ଭୂଷଣ୍ଡପାଳ ରାସ୍ତା କଡ଼ରେ ଜଣେ ଅଚିହ୍ନ କିନ୍ନରର ମୃତଦେହ ପଡ଼ି ଥିବାର ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଖବର ପାଇ ଜଗନ୍ନାଥ ପ୍ରସାଦ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଥିଲା । ମୃତକଙ୍କ ଶରୀର ଗଠନରୁ ସେ ଜଣେ କିନ୍ନର ବୋଲି ଜଣାପଡିଥିଲା । ମୁଣ୍ଡ ଚୁଟି ମୁକୁଳାଥିବା ବେଳେ ସେ ଜିନ ପ୍ୟାଣ୍ଟ ଓ ଟିସାର୍ଟ ପିନ୍ଧିଥିଲେ ।
ଶବ ଉପରେ ଗୋଟାଏ ଓଢଣି ଘୋଡ଼େଇ ଦିଆଯାଇଛି । ପୋଲିସ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି । ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ କହିଛି । ସ୍ଥାନୀୟ ଅଞ୍ଚଳରେ ଉକ୍ତ ଵ୍ୟକ୍ତିକୁ କେହି କେବେ ଦେଖିନଥିଲେ । ବେଲଗୁଣ୍ଠ ଅଞ୍ଚଳରେ ରହୁଥିବା କିଛି କିନ୍ନରଙ୍କୁ ଶବ ଚିହ୍ନଟ ପାଇଁ ଡକା ଯାଇଥିଲେବି ଶବ ଚିହ୍ନଟ ହୋଇପାରି ନାହିଁ। ତେଣୁ ଛତ୍ରପୁର ସାଇଣ୍ଟିଫିକ ଟିମକୁ ଡ଼କାଯାଇ ତଦନ୍ତ କରାଯାଉଛି । ଭଂଜନଗର ଏସଡିପିଓ ସୁଧାଂଶୁ ଶେଖର ମିଶ୍ର ଘଟଣାସ୍ଥଳ ପରିଦର୍ଶନ କରିଛନ୍ତି।