ପାଟକୁରା, (ବଡ଼ ଖବର ବ୍ୟୁରୋ): ପାଟକୁରା ଥାନା ଅନ୍ତର୍ଗତ କୋରୁଆ ହରିପୁରଠାରେ ଏକ ପରିତ୍ୟକ୍ତ ପୋଖରୀରୁ ଯୁବକର ଗଳିତ ଶବ ପୋଲିସ ଉଦ୍ଧାର କରିଛି । ମୃତକ ଜଣକ ସ୍ଥାନୀୟ ଗଜିପିଠି ଗ୍ରାମର ମିହିର ପରିଡ଼ାଙ୍କ ପୁଅ ଆଶୀର୍ବାଦ ପରିଡା ବୋଲି ଜଣାପଡିଛି । ମୃତ ଯୁବକ ଜଣେ ମାନସିକ ବିକୃତ ସହ ଭିନ୍ନକ୍ଷମ ବୋଲି ପଡୋଶୀ କହୁଛନ୍ତି । ସେ ଦୀର୍ଘ ୩ଦିନ ପୂର୍ବରୁ ନିଖୋଜ ଥିଲେ । ଏନେଇ ମଧ୍ୟ ପରିବାର ପକ୍ଷରୁ ପାଟକୁରା ଥାନାରେ ଅଭିଯୋଗ ହୋଇଥିଲା । ଆଜି ସକାଳୁ ଉକ୍ତ ପରିତ୍ୟକ୍ତ ପୋଖରୀରେ ଗଳିତ ଶବ ଭାସୁଥିବା ଖବର ପ୍ରଚାରିତ ହେବା ପରେ ପରିବାର ଲୋକେ ଆସି ଶବ ଚିହ୍ନଟ କରିଛନ୍ତି । ଏନେଇ ମଧ୍ୟ ପାଟକୁରା ପୋଲିସକୁ ପରିବାର ପକ୍ଷରୁ ଅବଗତ କରାଯାଇଛି ।
