ଭାଇର ଶୁଭ ମନାସିବାବେଳେ ଗଲା ଭଉଣୀର ଜୀବନ

କଟକ(ବଡ଼ ଖବର ବ୍ୟୁରୋ): ଖୁଦୁରୁକୁଣୀ ଓଷା ପାଳନ ବେଳେ ଅଘଟଣ। ବିଦ୍ୟୁତ ଆଘାତରେ ଯୁବତୀଙ୍କ ମୃତ୍ୟୁ ହୋଇଥିବା ଅଭିଯୋଗ। ସିଡିଏ ହଇରାଣପୁର ବସ୍ତିରେ ଘଟିଛି ଏହି ଅଘଟଣ। ମୃତ ଯୁବତୀ ହେଲେ ହଇରାଣପୁର ବସ୍ତିରେ ରହୁଥିବା ପଙ୍କଜ ଦାଶଙ୍କ ୨୩ ବର୍ଷୀୟ ଝିଅ ପ୍ରିୟଙ୍କା ଦାଶ(କଣ୍ଢେଇ) ।

ଖୁଦୁରୁକୁଣୀ ପୂଜା ପାଇଁ ପଡିଶା ଘର ଛାତ ଉପରକୁ ଯାଇଥିବା ବେଳେ ପାଖରେ ଯାଇଥିବା ଖୋଲା ମୁକୁଳା ବିଦ୍ୟୁତ୍ ତାର ସଂସ୍ପର୍ଶରେ ଆସିଵାରୁ ଘଟିଥିଲା ଅଘଟଣ। ଯୁବତୀ ଜଣଙ୍କୁ ପ୍ରଥମେ ଗୁରୁତର ଅବସ୍ଥାରେ ଘରୋଇ ମେଡ଼ିକାଲ୍ ନିଆଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା। ଘଟଣାସ୍ଥଳରେ ମର୍କତ ନଗର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।