ନିର୍ବାଚନ ଲଢିବେ ବିଜେପି ନେତା ଦେବାଶିଷ ନାୟକ  

ବରୀ (ବଡ଼ ଖବର ବ୍ୟୁରୋ): ଦେବାଶିଷଙ୍କୁ ନିରାଶ କଲା ବିଜେପି । ସ୍ଵାଧୀନ ଭାବରେ ନିର୍ବାଚନ ଲଢିବାକୁ ଦେବାଶିଷ ଦେଲେ ଇଶାରା। ସମର୍ଥକ ମାନଙ୍କ ସହ ଆଲୋଚନା ପରେ ଶନିବାର ଘୋଷଣା କରିବେ ବୋଲି କହିଛନ୍ତି ଦେବାଶିଷ । ଲଗାତାର ବିଜେଡିରୁ ପ୍ରାର୍ଥୀ ହୋଇ ୪ ଥର ବରୀ ବିଧାନସଭା ଆସନରୁ ନିର୍ବାଚିତ ହୋଇ ବିଧାୟକ ହୋଇଥିବା ଦେବାଶିଷ କିଛି ଦିନ ତଳେ ବିଜେଡିରୁ ଇସ୍ତଫା ଦେଇ ବିଜେପିରେ ସାମିଲ ହୋଇଥିଲେ। ବିଜେଡି ଛାଡ଼ି ଦେବାଶିଷ ବିଜେପିରେ ଯୋଗଦେବା ପରେ ବରୀରୁ ପ୍ରାର୍ଥୀ ହେବାକୁ ଏକ ପ୍ରକାର ନିଶ୍ଚିତ ହୋଇଥିଲେ ଦେବାଶିଷ।

ମାତ୍ର ଦେବାଶିଷଙ୍କୁ ବିଶ୍ୱାସକୁ ନେଇ ପରିଲା ନାହିଁ ବିଜେପି। ବହୁ ଆଶା ବାନ୍ଧିଥିବା ଦେବାଶିଷଙ୍କୁ ବିଜେପି ଟିକେଟ ନଦେଇ ଦୀର୍ଘ ବର୍ଷ ହେବ ସଂଗଠନ ସହ ରହିଥିବା ବିଜେପି ନେତା ଉମେଶ ଚନ୍ଦ୍ର ଜେନାଙ୍କୁ ଦଳ ଭରସା କରି ଗତକାଲି ଟିକେଟ ଦେଇଛି । ଦେବାଶିଷଙ୍କୁ ନେଇ ବିଭିନ୍ନ କଥା ଆଲୋଚନା ଲାଗିରହିଥିବା ବେଳେ ଦେବାଶିଷ ସେଥିରେ ପୂର୍ଣ୍ଣଚ୍ଛେଦ ପକାଇବାକୁ ଉଦ୍ୟମ କରିଛନ୍ତି।

ନିଜର ସୋସିଆଲ ମିଡ଼ିଆ ପେଜରେ ବରୀବାସୀ ମୋ ବଳ। ମୋ ପାଇଁ ଦଳ ବଡ଼ ନୁହେଁ ବରୀ ବାସୀଙ୍କ ସେବା କରିବାକୁ ମୁଁ ନିର୍ବାଚନ ଲଢିବି ବୋଲି କହିଛନ୍ତି। ମାତ୍ର ଦେବାଶିଷ ସ୍ଵାଧୀନ ପ୍ରାର୍ଥୀ ହେବେ ବୋଲି ବରୀରେ ଚର୍ଚ୍ଚା ହେଉଥିବା ବେଳେ ଦେବାଶିଷଙ୍କ ଘୋଷଣାକୁ ଅପେକ୍ଷା କରିଛନ୍ତି ସମର୍ଥକ ମାନେ । ତେବେ ଆଗକୁ ବରୀ ରାଜନୀତି କେଉଁ ମୋଡ ନେବ ତାହା ସମୟ କହିବ।