ସୌମ୍ୟରଞ୍ଜନ ମୃତ୍ୟୁ ମାମଲାରେ ଡିଏଫଓଙ୍କୁ ଜେରା

ଗଜପତି (ବଡ଼ ଖବର ବ୍ୟୁରୋ): ସୌମ୍ୟରଞ୍ଜନ ମୃତ୍ୟୁ ମାମଲାରେ ଡିଏଫଓଙ୍କୁ ଜେରା । ଡିଏଫଓ ସଂଗ୍ରାମ କେଶରୀ ବେହେରାଙ୍କ ଅଫିସରେ ପହଞ୍ଚିଛନ୍ତି ତଦନ୍ତକାରୀ ଟିମ । ଡିଏଫଓଙ୍କ ଅଫିସରେ ସୁରକ୍ଷା କଡାକଡି । ତେବେ ପୋଲିସ ତଦନ୍ତକୁ ଜୋରଦାର କରୁଥିବା ବେଳେ ଏଥିରେ କ୍ରାଇମବ୍ରାଞ୍ଚ ସହଯୋଗ କରୁଛି । ବିଦ୍ୟାଭାରତୀ, ସୌମ୍ୟଙ୍କ ପରିବାର, ବନ କର୍ମଚାରୀଙ୍କୁ ଜେରା ପରେ ଏବେ ସ୍କାନରରେ ଡିଏଫଓ । ଡିଏଫଓଙ୍କୁ ଜେରା କରାଯିବ ବୋଲି ଗଣମାଧ୍ୟମ ଆଗରେ ଗଜପତି ଏସପି ଗତକାଲି ସୂଚନା ଦେଇଥିଲେ

ଅନ୍ୟପଟେ ସୌମ୍ୟଙ୍କୁ ନେଇ ଯାଉଥିବା ଆମ୍ବୁଲାନ୍ସ ଡ୍ରାଇଭର ଚାଞ୍ଚଲ୍ୟକର ତଥ୍ୟ ରଖିଛନ୍ତି । ମ୍ୟାଡାମଙ୍କ କଥାରେ ମୁଁ ଆମ୍ବୁଲାନ୍ସକୁ ଅଟକାଇଥିଲି । ପୋଲିସ ଆଗରେ ଏଭଳି ବୟାନ ଦେଇଛନ୍ତି ଆମ୍ବୁଲାନ୍ସ ଡ୍ରାଇଭର । ସୌମ୍ୟ ମୃତ୍ୟୁ ମାମଲାରେ ତଦନ୍ତ ପ୍ରକ୍ରିୟାକୁ ଜୋରଦାର କରିଛି ପୋଲିସ । ସୌମ୍ୟଙ୍କୁ କଟକ ନେଇଯାଇଥିବା ଆମ୍ବୁଲାନ୍ସ ଡ୍ରାଇଭରକୁ ଜେରା କରିଛି ପୋଲିସ । ଏହି ସମୟରେ ପୋଲିସ ଆଗରେ ବାଟରେ କେତେ ଥର ଆମ୍ବୁଲାନ୍ସ ରଖିଥିଲେ ସେ ନେଇ ତଥ୍ୟ ରଖିଛନ୍ତି ।