ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ରାଜନୀତିରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନଙ୍କୁ ନେଇ ଲାଗି ରହିଛି କଳ୍ପନାଜଳ୍ପନା । ପଦ ଛାଡିଛନ୍ତି ସତ, କିନ୍ତୁ ଲୋକ ପ୍ରିୟତା ସାଉଣ୍ଟିବାରେ ଲାଗିଛନ୍ତି । ଦେଶର ବିଭିନ୍ନ ରାଜ୍ୟରୁ ନେଇ ନିଜ ରାଜ୍ୟରେ ବି ମିଳୁଛି ଢେର ସାରା ଭଲ ପାଇବା । ତା ସହ ବି ବିରୋଧର କରିବାକୁ ପଡୁଛି ସାମ୍ନା । ଏମିତିକି ବିରୋଧୀ ରାସ୍ତାଘାଟରୁ ନେଇ ପ୍ରତିକ୍ରିୟା ଶୀଳ ହେଉଛନ୍ତି । ହେଲେ ଏହାରି ଭିତରେ ତାଙ୍କୁ ନେଇ ବିରୋଧୀଙ୍କ ବିରୋଧ ଉପରେ ପ୍ରଥମ ଥର ପାଇଁ ମୁହଁ ଖୋଲି ଦେଇଛନ୍ତି ଜବାବ । ଶନିବାର ସମ୍ବଲପୁର ସଂସଦୀୟ କ୍ଷେତ୍ରର ରେଢାଖୋଲ ଠାରେ ଅନୁଷ୍ଟିତ କାର୍ଯ୍ୟକ୍ରମରେ ଯୋଗଦେଇ ସାଂସଦ ଧର୍ମେନ୍ଦ୍ର ପ୍ରଧାନ ଲୋକଙ୍କୁ ପଚାରିଛନ୍ତି କି, ମୁଁ ୧୨ବର୍ଷ କାଳ ମହାପ୍ରଭୁ ଜଗନ୍ନାଥଙ୍କ ଦୟାରୁ, ଆପଣ ମାନଙ୍କ ଆର୍ଶବାଦରୁ କେନ୍ଦ୍ରରେ ମନ୍ତ୍ରୀ ରହିଲି । ମୁଁ ଆପଣଙ୍କ ମୁଣ୍ଡ କେବେ ତଳକୁ କରିଛି କି? ଓଡ଼ିଆ ଲୋକଙ୍କର ମୁଣ୍ଡ କେବେ ତଳକୁ କରିଛି କି? ମୁଁ ଆଜି ସକାଳେ ଆସିବା ବେଳେ ଡ଼ରୁଥିଲି । ମୁଁ ତ ସମ୍ବଲପୁରରେ ରହିଲି, ଏଠାରୁ ଗୋ ବ୍ୟାକ୍ କରିବି ନାଁ ଆସିବି । ଚଷା ଭାଷାରେ ଆପଣ ମାନଙ୍କୁ ପଚାରୁଛି ରେଢାଖୋଲ ଆଇବି ନା ଆଇବି ନି ।
ଖାଲି ସେତିକି ନୁହେଁ ଧର୍ମେନ୍ଦ୍ର ବିଜେଡିର ସଭାପତିଙ୍କୁ ଦେଇଛନ୍ତି ଉତ୍ତର । ବିଜୁ ଜନତା ଦଳର ବରିଷ୍ଠ ନେତା ତଥା ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟଙ୍କୁ କହିଛନ୍ତି ଯେ, ପ୍ରସନ୍ନ ବାବୁ ଆପଣଙ୍କ ଦଳର ମୁଖିଆ କହୁଛନ୍ତି ମୁଁ କୁଆଡେ ବଦମାସ ଲୋକଟା । ନବୀବ ବାବୁ ମୋତେ କହୁଛନ୍ତି ଏଟା ବଦମାସ । ଦୁଇଟା ଛୋଟିଆ ଭାଇ-ଭଉଣୀଙ୍କୁ କାମରେ ଲଗାଇଛନ୍ତି । ଛୋଟିଆ ପିଲା, ଭଲ ମୋତେ ବିରୋଧ କରି ନେତା ହେବାର ଅଛି ତାଙ୍କୁ । ସେମାନେ କହୁଛନ୍ତି ଧର୍ମେନ୍ଦ୍ର ପ୍ରଧାନ ଗୋ ବ୍ୟାକ୍ । ମୋତେ ଆଜି ପ୍ରସନ୍ନ ଭାଇ ଅନୁମତି ଦେଇଛନ୍ତି । ପ୍ରସନ୍ନ ଭାଇ ମୁଁ ଡରିକି ଅଛି । ଆପଣଙ୍କ ଦଳପତି କହୁଛନ୍ତି ଗୋ ବ୍ୟାକ୍ । ଓଡ଼ିଶାର ଏଇଟା କୁଳାଙ୍ଗାର ଇିଏ ପଳାଉ । କିନ୍ତୁ ମୁଁ କହି ରଖୁଛି ସାଢେ ଚାରିକୋଟି ଓଡ଼ିଆଙ୍କ ମୁଣ୍ଡ ଧର୍ମେନ୍ଦ୍ର କେବେ ତଳକୁ କରିନାହିଁ । ମୋ ଉପରେ ମହାପ୍ରଭୁ ଜଗନ୍ନାଥ ଏବଂ ମା ସମଲେଇଙ୍କ ଆର୍ଶୀବାଦ ଅଛି ।
ଜୀବନ ଥିବା ପର୍ଯ୍ୟନ୍ତ ଓଡ଼ିଶାର ଭଲ କରେ ବା ନକରେ, କିନ୍ତୁ ସନମାନ ହାନ୍ନି ଭଳି କୌଣସି ପାପ କାମ ଧର୍ମେନ୍ଦ୍ର ପ୍ରଧାନ କରିବ ନାହିଁ । ଏ ଭରଷା ମୋର ଓଡ଼ିଆ ଲୋକଙ୍କର ମୋ ଉପରେ ଅଛି । ମୋ ସମ୍ବଲପୁର ଲୋକଙ୍କର ମୋ ଉପରେ ଅଛି । ମହାପ୍ରଭୁଙ୍କ ଆର୍ଶୀବାଦ ମୋ ଉପରେ ଅଛି । ସେପଟେ ବିଜେଡି କହିଛି ନିଜ ନିର୍ବାଚନ ମଣ୍ଡଳୀକୁ ଆସିବା ପାଇଁ ସାଂସଦଙ୍କୁ ଡର କାହିଁକି ଲାଗୁଛି । ତାଙ୍କୁ ବିଭିନ୍ନ ସ୍ଥାନରେ ବିରୋଧ ହେବାରେ ଲାଗିଛି । ପୋଲିସକୁ ଗୁଣ୍ଡା ସଜାଇଛନ୍ତି । ଶାନ୍ତିପୂର୍ଣ୍ଣ ଆନେ୍ଦାଳନ ଉପରେ ଅତ୍ୟାଚାର ପୋଲିସ କରୁଛି । ସେ ନିଜେ ନିଜକୁ ବଦନାମ କରୁଛନ୍ତି । ନବୀନ ବାବୁ କାହିଁକି ବଦନାମ କରିବେ । ଧର୍ମେନ୍ଦ୍ର ପ୍ରଧାନଙ୍କୁ ନେଇ ରାଜନୀତିରେ ଲାଗି ରହିଥିବା ଅସ୍ଥିରତା ଭିତରେ ଓଡିÿଶାର ଲୋକଙ୍କ ପାଇଁ ନିଜର ବାର୍ତ୍ତା ରଖିଛନ୍ତି । ତା ସହ ବିରୋଧୀଙ୍କୁ ସିଧାସିଧା ଶୁଣାଇ ଦେଇଛନ୍ତି କି ଓଡ଼ିଶା ପାଇଁ ଧର୍ମେନ୍ଦ୍ର କଣ?