ଦିଗପହଣ୍ଡି ବିଜେପିରେ ଗୋଷ୍ଠୀ କନ୍ଦଳ, ଦୁଇ ନେତା କରିଛନ୍ତି ୨ ସମାବେଶ
ଗଞ୍ଜାମ(ବଡ଼ ଖବର ବ୍ୟୁରୋ): ଦିଗପହଣ୍ଡି ବିଜେପିରେ ଗୋଷ୍ଠୀ କନ୍ଦଳ । ଦୁଇ ନେତା କରିଛନ୍ତି ୨ ସମାବେଶ । ପଞ୍ଚାୟତ ନିର୍ବାଚନ ପରେ ଦିଗପହଣ୍ଡି ନିର୍ବାଚନ ମଣ୍ଡଳୀରେ ବିଜେଡି ଦୁଇ ଗୋଷ୍ଠୀକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଚାଲିଥିବା ବେଳେ ଏବେ ବିଜେପିରେ ଗୋଷ୍ଠୀ କନ୍ଦଳ ସାମ୍ନାକୁ ଆସିଛି । ବର୍ଷାର ଅଭାବ ଏବଂ ଜଳସେଚନ ଅବ୍ୟବସ୍ଥା ପାଇଁ ମରୁଡ଼ି ଦେଖାଦେଇଛି । ଏହାକୁ ନେଇ ଆଜି ଦିଗପହଣ୍ଡି ବ୍ଲକ ସମ୍ମୁଖରେ ରାଜ୍ୟ କୃଷକ ସାମୁଖ୍ୟର ରାଜ୍ୟ ସଂଯୋଜକ ଉତ୍ତମ ପାଣିଗ୍ରାହୀ ଚାଷୀମାନଙ୍କୁ ନେଇ ଏକ ସମାବେଶ କରିଥିଲେ । ଏହାକୁ କାଉଣ୍ଟର କରି ଜିଲ୍ଲା କୃଷକ ମୋର୍ଚ୍ଚାର ସଭାପତି ମହନ୍ତ ଚିନ୍ମୟାନନ୍ଦ କିଛି ଚାଷୀ ଓ ନିଜ ସମର୍ଥକ କୁ ନେଇ ଅଲଗା ଏକ ସମାବେଶ କରିଥିଲେ ଯାହା ବିଜେପିର ଗୋଷ୍ଟିକନ୍ଦଳ ପଦାରେ ପଡ଼ିଛି।