ଜୁନିୟର ଶିକ୍ଷକ ପରୀକ୍ଷା ପାଇଁ ଘୁଞ୍ଚିଲା ପଶ୍ଚିମ ଓଡ଼ିଶା ବନ୍ଦ

ଅତାବିରା(ବଡ଼ ଖବର ବ୍ୟୁରୋ): ୧୫ ନୁହେଁ ୧୮ରେ ପଶ୍ଚିମ ଓଡ଼ିଶା ବନ୍ଦ । ବିର୍ସା ମୁଣ୍ଡା ଜୟନ୍ତୀ ଓ ଜୁନିୟର ଶିକ୍ଷକ ପରୀକ୍ଷା ଲାଗି ୧୫ ତାରିଖ ବନ୍ଦ ଡାକରାକୁ ୧୮କୁ ଘୁଂଚାଇ ଦେଇଛି କୋଶଲ ରାଜ୍ୟ କ୍ରିୟାନୁଷ୍ଠାନ କମିଟି । ସକାଳ ୬ରୁ ସନ୍ଧ୍ୟା ୬ ପର୍ଯ୍ୟନ୍ତ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ବନ୍ଦ ବେଳେ ଜରୁରୀକାଳୀନ ସେବାକୁ ଛାଡ଼ିଦେବା ପରେ ସମସ୍ତ ସରକାରୀ, ବେସରକାରୀ, ସ୍କୁଲ, କଲେଜ, ଦୋକାନ, ବଜାର ସହ ବସ ଚଳାଚଳ ବନ୍ଦ ରହିବ । ଏନେଇ ବରଗଡ଼ ଅଗ୍ରଗାମୀ ଭବନରେ ଅନୁଷ୍ଠିତ ସାମ୍ବାଦିକ ସମ୍ବିଳନୀରେ ସୂଚନା ଦିଆଯାଇଛି । ଜାତି ଧର୍ମ ନିର୍ବିଶେଷରେ ସମସ୍ତ କୋଶଳବାସୀ ଏହି ବନ୍ଦରେ ସାମିଲ ହେବାକୁ କମିଟି ପକ୍ଷରୁ ଅନୁରୋଧ କରାଯାଇଛି ।