ଅନୁଭବଙ୍କ ଟ୍ୱିଟକୁ ନେଇ ପୁଣି ଚର୍ଚ୍ଚା

ଭୁବନେଶ୍ୱର (ବଡ଼ ଖବର ବ୍ୟୁରୋ):  ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ଟ୍ୱିଟ୍‌କୁ ନେଇ ପୁଣି ଚର୍ଚ୍ଚା ହୋଇଛି। ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ନାମ ନ ନେଇ  ଅଦାଲତରେ ଦାଖଲ କରିଥିବା ତଥ୍ୟକୁ ପୋଷ୍ଟ କରିଛନ୍ତି ଅନୁଭବ । ଅନୁଭବ କୋର୍ଟ ଦସ୍ତାବିଜକୁ ଉପସ୍ଥାପନ କରି ଲେଖିଛନ୍ତି ଯେ ଏହିସବୁ ଦସ୍ତାବିଜ ଶହଶହ ମିଛ ଠାରୁ ବହୁ ଅଧିକ ସତ କହୁଛି। ବର୍ଷାଙ୍କ ପାସପୋର୍ଟ ସଂପର୍କିତ ଅଭିଯୋଗକୁ ନେଇ ଅନୁଭବ ଏହି ଟ୍ୱିଟ୍ କରିଛନ୍ତି।

ଏହି ଟ୍ୱିଟରେ ଅନୁଭବ ବର୍ଷାଙ୍କ ଅଭିଯୋଗ ସହିତ ବୈଦେଶିକ ମନ୍ତ୍ରାଳୟ ପକ୍ଷରୁ ତାଙ୍କୁ ମିଳିଥିବା ଏ ସଂପର୍କିତ ଚିଠି, ଭୁବନେଶ୍ୱର ପାସପୋର୍ଟ ଅଫିସରୁ ତାଙ୍କୁ ମିଳିଥିବା ଚିଠି ଇତ୍ୟାଦିକୁ ଆଡ କରିଛନ୍ତି।