ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ ଗଲେ କର୍ଣ୍ଣାଟକ ସଭାପତି ଡିକେ ଶିବକୁମାର । ଦିଲ୍ଲୀରେ ପହଞ୍ଚିବା ପରେ ରାଜ୍ୟରେ ସରକାର ଗଠନ ସମ୍ପର୍କରେ ଆଲୋଚନା କରିବେ। ଯାହାକୁ ନେଇ ସୂଚନା ଦେଇଛନ୍ତି ଶିବକୁମାରଙ୍କ ଭାଇ ତଥା ଦଳର ଏମପି ଡି.କେ ସୁରେଶ । ସେପଟେ ଗତକାଲି ପୂର୍ବତ୍ତନ ମୁଖ୍ୟମନ୍ତ୍ରୀ ସିଦ୍ଧରମେୟା ଦିଲ୍ଲୀରେ ପହଞ୍ଚିଥିଲେ ।
ସୋମବାର ଅପରାହ୍ନରେ ସିଦ୍ଧରମେୟା ଦିଲ୍ଲୀରେ ପହଞ୍ଚିଥିଲେ ମଧ୍ୟ ସ୍ୱାସ୍ଥ୍ୟଗତ କାରଣ ଦର୍ଶାଇ ଶିବକୁମାର ଏହି ଗସ୍ତକୁ ବାତିଲ କରିଦେଇଥିଲେ। ତେବେ ତାଙ୍କ ବଦଳରେ ତାଙ୍କ ଭାଇ ଡି.କେ ସୁରେଶ ଖଡଗେଙ୍କୁ ଭେଟିଥିଲେ। ଏବେ କୁହାଯାଉଛି କି ଶିବକୁମାର ମଙ୍ଗଳବାର ଦିଲ୍ଲୀ ପହଞ୍ଚିବା ପରେ ଖଡଗେ କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କ ନାମ ଫାଇନାଲ କରିପାରନ୍ତି। ତେବେ ଏହି ରେସରେ ଆଗରେ ସିଦ୍ଧରମେୟା ଥିବା ଆଲୋଚନା ହେଉଛି।
