୩ ବର୍ଷ ପରେ ଥିଏଟରକୁ ଫେରିଲେ ଭିକି କୌଶଲ
ମୁମ୍ବାଇ (ବଡ଼ ଖବର ବ୍ୟୁରୋ): ବଲିଉଡର ୟଙ୍ଗ ଆକ୍ଟରଙ୍କ ମଧ୍ୟରେ ଭିକି କୌଶଲ ଅନ୍ୟତମ । ଲକ୍ଡାଉନ ପରଠାରୁ ପରଦା ଠାରୁ ଦୂରରେ ଥିଲେ ସେ । ଏହା ମଧ୍ୟରେ ତାଙ୍କର ଦୁଇଟି ଫିଲ୍ମ ଓଟିଟିରେ ରିଲିଜ ହୋଇ ସାରିଛି। ୩ ବର୍ଷ ପରେ ଥିଏଟରକୁ ଫେରୁଥିବା ଭିକି କୌଶଲ ଗୋଟିଏ କି ଦୁଇଟି ନୁହେଁ ବରଂ ୪ଟି ଫିଲ୍ମ ସହିତ ଫେରୁଛନ୍ତି । ତାଙ୍କର ଆଗକୁ ଆସୁଥୁବା ପ୍ରୋଜେକ୍ଟ ବହୁତ ଷ୍ଟ୍ରଙ୍ଗ ନଜର ଆସୁଛି ।
ନ୍ୟାସନାଲ ଆୱାର୍ଡ ଜିତି ଥିବା ୟଙ୍ଗ ବଲିଉଡ ଷ୍ଟାର ଭିକି କୌଶଲ ଅନେକ ସମୟ ପରେ ବଡ ପର୍ଦା କୁ ଫେରୁଛନ୍ତି । ‘ଉରି ଦ ସର୍ଜିକାଲ ଷ୍ଟ୍ରାଇକ’ ର ସଫଳତା ପରେ ଭିକି ଲକଡାଉନ ପରେ ଥିଏଟରରୁ ଦୂରରେ ଥିଲେ । ତାଙ୍କର ଶେଷ ଫିଲ୍ମ କରନ ଜୋହରଙ୍କ ପ୍ରଡକ୍ସନରେ ବନିଥିବା ‘ଭୁତ ଦ ହଂଟେଡ ସିପ୍’ ଥିଲା । କରୋନା ମହାମାରୀ ବ୍ୟାପିବା ପୂର୍ବରୁ ୨୧ ଫେବୃୟାରୀ ୨୦୨୦ ରେ ଏହି ଫିଲ୍ମ ଥିଏଟର୍ସ ରେ ରିଲିଜ ହୋଇଥିଲା । ଏହି ଫିଲ୍ମ ଥିଏଟର୍ସ ରେ ଆଭରେଜ ଇନକମ୍ କରିଥିଲା । ଏହା ପରେ ଭିକି ଙ୍କ ଦୁଇଟି ଫିଲ୍ମ ‘ସରଦାର ଉଦ୍ଧମ’ ଓ ‘ଗୋବିନ୍ଦା ନାମ ମେରା’ ଓଟିଟି ରେ ରିଲିଜ ହୋଇଥିଲା । ‘ସରଦାର ଉଦ୍ଧମ’ରେ ଭିକିଙ୍କ କାମ ଜନତାଙ୍କୁ ବହୁତ ପସନ୍ଦ ଆସିଥିଲା । ବଡ ପରଦାରେ ଭିକି କୌଶଲଙ୍କ ରି ଏଂଟ୍ରି ପାଇଁ ଦର୍ଶକ ଖୁସି ଅଛନ୍ତି ।