କରୋନା ନେଲା ଡାକ୍ତରଙ୍କ ଜୀବନ

ଅନୁଗୁଳ (ବଡ଼ ଖବର ବ୍ୟୁରୋ): ମହାମାରୀରେ ପ୍ରତିଦିନ ଗଡୁଛି ମୁଣ୍ଡ । ସାଧାରଣ ଲୋକଙ୍କଠାରୁ ଆରମ୍ଭ କରି କରୋନା ଯୋଦ୍ଧା କେହି ବି ବାଦ ପଡୁନାହାନ୍ତି ମହାମାରୀ କବଳରୁ । ଅନୁଗୁଳ ଜିଲ୍ଲାରୁ ଆସିଛି ଏମିତି ଏକ ଦୁଃଖଦ ଖବର । କରୋନାରେ ଆକ୍ରାନ୍ତଥିବା ଜଣେ ଡାକ୍ତରଙ୍କ ମୃତ୍ୟୁ ହୋଇଛି । ମୃତ ଡାକ୍ତର ହେଲେ ଶ୍ୟାମପ୍ରସାଦ ଦାଶ । ତାଙ୍କ ଘର ଖୋର୍ଦ୍ଧା ଜିଲ୍ଲାରେ । ସେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ସ୍ତ୍ରୀ ଓ ପ୍ରସୂତି ବିଭାଗ ବିଶେଷଜ୍ଞ ଥିଲେ ।

ସପ୍ତାହେ ତଳେ କରୋନାରେ ଆକ୍ରାନ୍ତ ହୋଇ ସେ ହୋମ୍ ଆଇସୋଲେସନରେ ଥିଲେ । ଶନିବାର ସେ ଗରୁତର ହେବାରୁ ତାଙ୍କୁ ହେବାରୁ ଭୁବନେଶ୍ୱର ସ୍ଥାନାନ୍ତର କରାଯାଉଥିଲା । ମାତ୍ର ଅଧାବାଟରେ ତାଙ୍କର ମୃତ୍ୟୁ ହୋଇଥିଲା । ତେବେ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ଆଣିବା ପରେ ଡାକ୍ତର ସେଠାରେ ମୃତ ଘୋଷଣା କରିଥିଲେ । ଦୁଇଦିନ ମଧ୍ୟରେ ଜିଲ୍ଲାରେ ଦୁଇଜଣ କରୋନା ଯୋଦ୍ଧାଙ୍କ ମୃତ୍ୟୁ ସମସ୍ତଙ୍କୁ ଚକିତ କରିଦେଇଛି ।