ପଞ୍ଚାୟତ କାର୍ଯ୍ୟାଳୟ ନିକଟରୁ ଡ୍ରଗ୍ସ ଜବତ
ଧାମନଗର (ବଡ଼ ଖବର ବ୍ୟୁରୋ): ଭଦ୍ରକ ଜିଲ୍ଲା ଧାମନଗର ଥାନା ରାଧାବଲ୍ଲଭପୁର ପଞ୍ଚାୟତ କାର୍ଯ୍ୟାଳୟ ନିକଟରୁ ଡ୍ରଗ୍ସ ଜବତ। ଘଟଣାରେ ଭଣ୍ଡାରୀପୋଖରୀ ବ୍ଲକ ମଣିନାଥପୁର ଅଞ୍ଚଳର ଗଦାଧର ଥାଟୋଇ ନାମକ ଜଣେ ଯୁବକଙ୍କୁ ଅଟକ ରଖାଯାଇଛି। ସୂଚନା ଅନୁଯାୟୀ, ଯୁବକ ଜଣକ ସ୍ଥାନୀୟ ଅଞ୍ଚଳର ଜଣେ ବ୍ୟବସାୟୀଙ୍କୁ ଡ୍ରଗ୍ସ ବିକ୍ରି କରିବା ପାଇଁ ଆସିଥିବା ବେଳେ ଗ୍ରାମବାସୀଙ୍କ ସନ୍ଦେହ ହୋଇଥିଲା।
ଏହାପରେ ଗ୍ରାମବାସୀ ତାଙ୍କୁ ଅଟକ ରଖି ଯାଞ୍ଚ କରିବାରୁ ତାଙ୍କ ନିକଟରୁ ଛୋଟ ଛୋଟ ପୁଡ଼ିଆ ମିଳିଥିବା ଜଣାପଡ଼ିଛି। ତେବେ ଜବତ ଡ୍ରଗ୍ସର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି । ଏକ ବାଇକ ମଧ୍ୟ ଜବତ ହୋଇଛି । ଘଟଣାସ୍ଥଳରେ ଧାମନଗର ପୋଲିସ ପହଂଚି ଅଟକ ଯୁବକ ଥାନା କୁ ନେଇଛି । ଏଥିରେ ସ୍ଥାନୀୟ ବ୍ୟବସାୟୀ ସମ୍ପୃକ୍ତି ରହିଛି କି ନାହିଁ ଜଣାପଡ଼ି ନାହିଁ ।