ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଜେଲରେ ମନୀଷ ସିସୋଦିଆଙ୍କୁ ଜେରା କରିବ ଇଡି । ଦିଲ୍ଲୀ ଅବକାରୀ ମାମଲାରେ ଗିରଫ ହୋଇଥିବା ଆପ୍ ନେତା ମନୀଷ ସିସୋଦିଆଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଆଜି ପଚରାଉଚରା କରିବ। ପ୍ରବର୍ତ୍ତନ ନିର୍ଦ୍ଦେଶାଳୟର ଏକ ଟିମ୍ ଅପରାହ୍ନ ୨ଟାରେ ତିହାର ଜେଲରେ ପହଞ୍ଚିବ। ତେବେ ଇଡି ପ୍ରଥମଥର ପାଇଁ ସିସୋଦିଆଙ୍କୁ ଅବକାରୀ ମାମଲାରେ ଜେରା କରିବ। ଏହି ମାମଲାରେ ସିସୋଡିଆଙ୍କୁ ପୁଣିଥରେ କୋର୍ଟ ୧୪ ଦିନ ପାଇଁ ନ୍ୟାୟିକ ହେପାଜତରେ ପଠାଇଛନ୍ତି। ମାର୍ଚ୍ଚ ୨୦ ପର୍ୟ୍ୟନ୍ତ ତିହାର ଜେଲରେ ରହିବେ। ସିସୋଦିଆଙ୍କ ଜାମିନ ଆବେଦନର ଶୁଣାଣି ମାର୍ଚ୍ଚ ୧୦ରେ ହେବ ।
