ଖୁଣ୍ଟ ନେଲା ଦୁଇ ଜୀବନ

ସୁନ୍ଦରଗଡ଼ (ବଡ଼ ଖବର ବ୍ୟୁରୋ): ସୁନ୍ଦରଗଡ଼ ଜିଲ୍ଲା ଲେଫ୍ରିପଡ଼ା ଥାନା ବଡ଼ବଙ୍ଗାରେ ବିଦ୍ୟୁତ୍ ଟାୱାର ଖୁଣ୍ଟ ପଡ଼ି ଦୁଇ ଜଣ ଯୁବକଙ୍କ ମୃତ୍ୟୁ ହୋଇଛି । ଇଲେକ୍ଟ୍ରିକ ସର୍ଟ ଲାଗି ମୃତ୍ୟୁ ହୋଇଥିବା ଜଣାପଡ଼ିଛି । ପାଞ୍ଚ ଦିନ ତଳେ ଏହି ଖୁଣ୍ଟ ଭାଙ୍ଗି ଥିବାବେଳେ ଆଜି ଉକ୍ତ ସ୍ଥାନରେ ଗନ୍ଧ ହେବାରୁ ସ୍ଥାନୀୟ ଲୋକେ ଯାଇ ଦେଖିଥିଲେ । ଇଲେକ୍ଟ୍ରିକ ସର୍ଟରେ ଦୁଇ ଜଣ ଯୁବକ ପୋଡ଼ି ହୋଇ କ୍ଷେତରେ ପଡିଥିବା ଦେଖିବାକୁ ପାଇଥିଲେ ।

ପରେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ଓ ସାଇନ୍ଟିକଫିକ ଟିମ୍ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ ଅନୁଯାଇ ଏହି ଦୁଇ ଜଣ ଯୁବକ ଟାୱାର ଲାଇନର ତାର ଚୋରି କରିବା ପାଇଁ ଆସି ତାର କାଟୁଥିବା ସମୟରେ ଏଭଳି ଘଟଣା ଘଟିଥିବା ଅନୁମାନ କରାଯାଉଛି । ମୃତକଙ୍କ ପରିଚୟ ଏପର୍ଯ୍ୟନ୍ତ  ମିଳି ନାହିଁ ।