ଥମୁନି ହାତୀ ମୃତ୍ୟୁ

ବାରିପଦା (ବଡ଼ ଖବର ବ୍ୟୁରୋ): ଥମିବାର ନା ନେଉ ନାହିଁ ହାତୀ ମୃତ୍ୟୁ । ପୁଣି ଏକ ଏକ ହାତୀ ର ଗଳିତ ମୃତ ଦେହ ଉଦ୍ଧାର ହୋଇଛି । ମୟୁରଭଞ୍ଜ ଜିଲା ମୋରଡା ବ୍ଲକ ବେତନଟି ରେଞ୍ଜ ଅଧୀନ ଜୁଆଳିଭଙ୍ଗା ପଂଚାୟତ ଭଦ୍ରାଶୋଳର ଅସନବଣି ସଂରକ୍ଷିତ ଜଙ୍ଗଲରେ ଏକ ହାତୀ ଶାବକର ଗଳିତ ମୃତଦେହ ଉଦ୍ଧାର ହୋଇଛି । ସୂଚନା ଅନୁଯାୟୀ, ଏକ ୪୫ ଟିକିଆ ଝାଡଖଣ୍ଡୀ ହାତୀପଲ ଗତ କିଛିଦିନ ହେବ ବେତନଟି ରେଞ୍ଜରେ ଉପଦ୍ରଵ ଚଲାଇଥିଲେ ।

ଆଜି ଉକ୍ତ ଜଙ୍ଗଲରେ ଏକ ହାତୀର ଗଳିତ ମୃତଦେହ ପଡିଥିବାର ଦେଖା ଦେଇଛି । ହାତୀ ଉପଦ୍ରଵ ପାଇଁ ସ୍ଥାନୀୟ ଲୋକେ ଭୟରେ ଜଙ୍ଗଲକୁ କିଛିଦିନ ହେବ ଯାଇନଥିବା ବେଳେ ଆଜି କିଛି ଗ୍ରାମବାସୀ ଜଙ୍ଗଲକୁ ଯାଇ ହାତରୀ ମୃତଦେହକୁ ଦେଖିଥିଲେ । ଏନେଇ ଲୋକମାନେ ସ୍ଥାନୀୟ ବନବିଭାଗକୁ ଜଣାଇଥିଲେ । ଖବରପାଇ ବନବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହିତ ତଦନ୍ତ କରୁଛନ୍ତି ।