ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଟ୍ୱିଟରରେ ଖୁବଶୀଘ୍ର ଆସିବ ଭିଡିଓ କଲିଂ ସୁବିଧା । ଟ୍ୱିଟର ଏମିତି ଏକ ପ୍ଲାଟଫର୍ମ ଯେଉଁଠି ହାତ ପାହାନ୍ତାରେ ମିଳେ ସବୁ ଅପଡେଟ । ଟ୍ୱିଟରରେ ନିୟମିତ କିଛି ନା କିଛି ପରିବର୍ତ୍ତନ ହେଉଛି । କିଛି ଦିନ ପୂର୍ବରୁ ଟ୍ୱିଟରରେ ଏଡିଟ ଅପସନ ଆଣିବା ପାଇଁ ମଧ୍ୟ ଦାବି ହୋଇଥିଲା । ସେପଟେ ଆଜିଠୁ ଟ୍ୱିଟରରେ ଏନକ୍ରିପସନ ମେସେଜିଂ ସୁବିଧା ଉପଲବ୍ଧ କରାଯାଇଛି । ଏନକ୍ରିପସନ ମେସେଜିଂ ଅର୍ଥ ହେଉଛି ୨ ଜଣ ଲୋକଙ୍କ ମଧ୍ୟରେ ଯେଉଁ ବାର୍ତ୍ତାଳାପ ହେବ ତୃତୀୟ ଲୋକ କେହି ସେ ବିଷୟରେ ଜାଣିପାରିବେ ନାହିଁ । ଏଲନ ମସ୍କ କହିଛନ୍ତି ମୋ ମୁଣ୍ଡରେ କେହି ବନ୍ଧୁକ ଲଗାଇ ଦେଲେ ବି ମୁଁ ଆପଣ ମାନଙ୍କ ଡିଏମ ଦେଖିପାରିବି ନାହିଁ । ଟ୍ୱିଟର ଆପର ନୂଆ ଭର୍ସନରେ ୟୁଜର୍ସମାନେ ଯେକୌଣସି ପୋଷ୍ଟର ଟ୍ରେଡରୁ ଡାଇରେକ୍ଟ ମେସେଜ ପଠାଇପାରିବେ । ଇମୋଜି ବ୍ୟବହାର କରି ମଧ୍ୟ ପ୍ରତିକ୍ରିୟା ଦେଇପାରିବେ । ମସ୍କ ଟ୍ୱିଟରକୁ କିଣିବା ପରଠାରୁ ନିମୟମି କିଛି ନା କିଛି ଚେଞ୍ଜେସ କରୁଛନ୍ତି । ଲୋକାମାନେ ହ୍ୱାଟ୍ସଆପରେ କଲ କରୁଥିବା ଭଳି ଏବେ ଟ୍ୱିଟରରେ ଭଏସ ଓ ଭିଡିଓ କଲ କରିପାରିବେ । ଏହି ସୁବିଧା ଉପଲବ୍ଧ ହେବା ପରେ ବିଶ୍ୱର ଯେ କୌଣସି ସ୍ଥାନରେ ରହି ୟୁଜର୍ସମାନେ ନିଜ ନମ୍ବର ସେୟାର ନକରି କଥା ହୋଇ ପାରିବେ ।
