କେନ୍ଦୁଝର (ବଡ଼ ଖବର ବ୍ୟୁରୋ): ନେସ୍କୋ ଏସଡିଓଙ୍କ ଘରେ ଭିଜିଲାନ୍ସ ରେଡ। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଏସଡିଓ ମହେଶ୍ୱର ସେଠୀଙ୍କ ଘର ସମେତ ଏକା ସାଙ୍ଗରେ ସ୍ପଞ୍ଜ କନୋନୀ ସ୍ଥିତ ଘର , ରିମୁଳି ସ୍ଥିତ ଶ୍ଵଶୁର ଘର , ଘଟଗାଁ ଓ କେନ୍ଦୁଝର ଅଫିସରେ ଚଢାଉ ଜାରି ରଖିଛି ଭିଜିଲାନ୍ସ ।
କେନ୍ଦୁଝରର କାଶୀପୁର ସ୍ପଞ୍ଜ କଲୋନୀ ସ୍ଥିତ ବାସଭବନ, ରିମୂଳି ସ୍ଥିତ ଶଶୁର ଘର ଓ ଘଟଗାଁ ବ୍ଲକ ସ୍ଥିତ ମୁକୁନ୍ଦପୁର ପାଟଣା ପୈତୃକ ବାସଭବନ ଓ କାର୍ଯ୍ୟାଳୟରେ ଏକସଙ୍ଗେ ଏହି ଚଢ଼ାଉ କରାଯାଉଛି। ବାଲେଶ୍ବର ଡିଭିଜନ ଭିଜିଲାନ୍ସ ପି କିଷାନଙ୍କ ନେତୃତ୍ୱରେ ଏହି ଚଢ଼ାଉ ଜାରି ରହିଛି । ତିନୋଟି ସ୍ଥାନ ଛଡା ଆଉ କେତୋଟି ସ୍ଥାନରେ ତାଙ୍କ ସମ୍ପତି ଅଛି ଏନେଇ ଖୋଳତାଡ଼ ଚଳାଇଛି ଭିଜିଲାନ୍ସ ବିଭାଗ ।
