ଯବାନ-ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ, ୩ ମାଓବାଦୀ ମୃତ

ରାମପୁର (ବଡ଼ ଖବର ବ୍ୟୁରୋ): କଳାହାଣ୍ଡି ଜିଲ୍ଲା ମ. ରାମପୁର ଥାନା ଟାପରାଙ୍ଗ ଜଙ୍ଗଲରେ ମାଓବାଦୀ ଓ ଯବାନ ମଧ୍ୟରେ ଗୁଳି ବିନିମୟ। ଯବାନଙ୍କ ଗୁଳିରେ ୩ଜଣ ମାଓବାଦୀ ମୃତ, ଜଣେ ଆହତ। ପୋଲିସ ଡିଏସପି ଏ ଦାଶ ଆହାତ ହୋଇଥିବା ସୂଚନା ମିଳିଛି । ଡିଏସପିଙ୍କୁ ବଲାଙ୍ଗୀର ଭୀମଭୋଇ ମେଡ଼ିକାଲ କଲେଜକୁ ସ୍ଥାନାନ୍ତର କରାଯାଇଛି । ଆହତ ମାଓବାଦୀକୁ ମ. ରାମପୁର ଡାକ୍ତରଖାନାରେ ଚିକିତ୍ସା କରାଯାଉଛି ।

ମିଳିଥିବା ସୂଚନା ଅନୁଯାୟୀ ଟାପରାଙ୍ଗ ଜଙ୍ଗଲରେ ୫ ଜଣ ମାଓବାଦୀ ବୈଠକ କରୁଥିଲେ । ଖବର ପାଇ ସୁରକ୍ଷାକର୍ମୀ ଚଢାଉ କରିଥିଲେ । ପ୍ରଥମେ ମାଓବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇବାରୁ ଦିଆଯାଇଥିଲା ପାଲଟା ଜବାବ । ଉଭୟ ପକ୍ଷେ ମଧ୍ୟରେ ଦୀର୍ଘ ସମୟ ଧରି ଚାଳିଥିଲା ଗୁଳି ବର୍ଷା । ସୁରକ୍ଷାକର୍ମୀଙ୍କ ଗୁଳିରେ ୩ ମାଓବାଦୀଙ୍କ ମୃତ୍ୟୁ ହୋଇଥିବାବେଳ ଜଣେ ଆହାତ ହୋଇଛି । ଅନ୍ୟଜଣେ ଛତ୍ରଭଙ୍ଗ ଦେଇଛି । ଘଯଣାସ୍ଥଳରେ ଏକେ ୪୭ ରାଇଫଲ ଜବତ ହୋଇଛି । କମ୍ବିଂ ଅପରେସନକୁ ଜୋରଦାର କରାଯାଇଛି ।