ନକଲି ଚା ପତି ଠାବ
କଟକ (ବଡ଼ ଖବର ବ୍ୟୁରୋ): କଟକରୁ ପୁଣି ଠାବ ହେଲା ନକଲି ଚା ପତି ଗୋଦାମ । ଆଜି କଟକ ସଦର ଥାନା ଅଂଚଳର ମୁକାମେଶ୍ୱର ଗାଁରୁ ଏକ ଅପମିଶ୍ରଣ ଚା ଗୋଦାମ ଠାବ କରାଯାଇଛି । ନକଲି ଚା ଗୋଦାମ ଉପରେ କମିଶନରେଟ୍ ପକ୍ଷରୁ ଚଢାଉ କରି ମାଲିକ ସୁରେଶ ଚନ୍ଦ୍ର ବିଶ୍ୱାଳଙ୍କୁ ଅଟକ ରଖି ପଚରାଉଚରା କରୁଛି । ପ୍ରାୟ ୫୦ କ୍ୱିଣ୍ଟାଲରୁ ଉର୍ଦ୍ଧ ନକଲି ଚା ପତି ଜବତ କରିବା ସହିତ ଆନୁମାନିକ ୨୫ ଲକ୍ଷ ଟଙ୍କାରୁ ଅଧିକ ଟଙ୍କା ହେବ ବୋଲି ଥାନା ଅଧିକାରୀ ପ୍ରକାଶ କରିଛନ୍ତି ।
ଟାଟା ଗୋଲ୍ଡ, ଟାଟା ପ୍ରିମିୟମ, ମାଇଁ ଟି ପ୍ରଭୁତି ବ୍ରାଣ୍ଡର ଚା ପ୍ରସ୍ତୁତ କରାଯାଇ ବଜାରକୁ ଛଡ଼ାଯିବା ସହ ବାହାରକୁ ଚାଲାଣ କରାଯାଏ । ଶୁଖିଲା ପତ୍ର, କାଠ ଗୁଣ୍ଡ ମିଶ୍ରଣ ହେଉଥିବା ମଧ୍ୟ ପ୍ରକାଶ କରିଛନ୍ତି । ଦୀର୍ଘ ୫ ମାସ ଭିତରେ କଟକ ମାଲଗୋଦାମ ଅଂଚଳରୁ ୧୦ଟି, ଚୌଦ୍ୱାରରୁ ୧ଟି, କଟକ ସଦରରୁ ଗୋଟିଏ, ଜଗତପୁରରୁ ୫ଟି ନକଲି କମ୍ପାନୀ ଉପରେ କଟକ କମିଶନରେଟ ପୋଲିସ ପକ୍ଷରୁ ଚଢାଉ କରାଯାଇ ପ୍ରାୟ ୬ କୋଟିରୁ ଅଧିକ ଟଙ୍କାର ସାମଗ୍ରୀ ଜବତ କରିବା ସହିତ ୨୦ ଜଣଙ୍କୁ ଗିରଫ କରିଛି ପୋଲିସ ।
