ବାହାନଗା (ବଡ଼ ଖବର ବ୍ୟୁରୋ): ପ୍ରଧାନଶିକ୍ଷକଙ୍କୁ ବିଦାୟକାଳୀନ ସମ୍ବର୍ଦ୍ଧନା । ବାହାନଗା ବ୍ଲକ ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୀତାକାନ୍ତ ତ୍ରିପାଠୀଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବେ ବାହାନଗା ବିଡିଓ ରବୀନ୍ଦ୍ର ସେଠୀ ସଭାକୁ ଉଦଘାଟନ କରି ଉନ୍ନତ ଶିକ୍ଷକ ଛାତ୍ର ଛାତ୍ରୀଙ୍କ ପଥପଦର୍ଶକ ସାଜି ଉଜ୍ୱଳ ଭବିଷ୍ୟତ ତିଆରି କରିବାକୁ ନିବେଦନ କରିଥିଲେ। ଉକ୍ତ ସଭାରେ ମୁଖ୍ୟବକ୍ତା ଭାବେ ଏବିଇଓ ରୋହିଆ ଟୁଡୁ, ସଭାପତି ଶ୍ୟାମସୁନ୍ଦର ଭୋଇ, ସମ୍ମାନିତ ଅତିଥି ସିଆରସିସି କାମାକ୍ଷା ପ୍ରସାଦ ଦାଶ, ବରିଷ୍ଠ ନାଗରିକ ରମାକାନ୍ତ ପଣ୍ଡା ପ୍ରମୁଖ ଯୋଗଦେଇ ବିଦାୟୀ ଶିକ୍ଷକ ସୀତାକାନ୍ତ ତ୍ରିପାଠୀଙ୍କ ବାବଦରେ ବହୁମୂଲ୍ୟ ବକ୍ତବ୍ୟ ରଖିଥିଲେ। ଶେଷରେ ଛାତ୍ର ଛାତ୍ରୀ ମାନେ ବିଦାୟୀ ପ୍ରଧାନଶିକ୍ଷକଙ୍କୁ ଏକ ପାଲିଙ୍କିରେ ବସାଇ ବିରାଟ ଶୋଭା ଯାତ୍ରା ରେ ଗୋପାଳପୁର ବଜାର ପରିକ୍ରମା କରି ବିଦାୟ ଦେଇଥିଲେ ।
