ରାଜରାସ୍ତାକୁ ଓହ୍ଲାଇଲେ ଚାଷୀ
ବଲାଙ୍ଗିର (ବଡ଼ ଖବର ବ୍ୟୁରୋ): ରାଜରାସ୍ତାକୁ ଓହ୍ଲାଇଲେ ଚାଷୀ । କୃଷକ ସଂଘର୍ଷ ସମିତି ପକ୍ଷରୁ ରୁଗୁଡ଼ିଖାଲ ଠାରେ ଚାଷୀଙ୍କ ରାସ୍ତାରୋକ । ସୁକତେଲ ପ୍ରକଳ୍ପରୁ ଆଗଲପୁର ବ୍ଲକକୁ ଜଳସେଚନ ସହ ବିଭିନ୍ନ ଦାବି ନେଇ ଏହି ଆନ୍ଦୋଳନ କରିଛିନ୍ତି ଚାଷୀ । ଦୀର୍ଘ ସମୟ ଧରି ରାସ୍ତାରୋକ ଯୋଗୁ ରାସ୍ତାର ଉଭୟ ପାର୍ଶ୍ବରେ ଗାଡିମଟର ଅଟକି ରହିଥିଲା । ସେମାନଙ୍କ ଅଭିଯୋଗ ଶୁକତେଲ ପ୍ରକଳ୍ପର ବାମ କେନାଲରେ ୫୫ ପ୍ରତିଶତ ଓ ଡାହାଣ କେନାଲରେ ୪୫ ପ୍ରତିଶତ ପାଣି ଛଡା ଯିବାର ଯୋଜନା ରହିଥିଲା ।
ପରେ ବାମରୁ ୩୦ ପ୍ରତିଶତ ଓ ଡ଼ାହାଣ କେନାଲରୁ ୭୦ ପ୍ରତିଶିତ ଜଳସେଚନ ପାଇଁ ବିଭାଗ ଯୋଜନା ରଖିଛି । ଏହାଦ୍ୱାରା ଆଗଲପୁର ବ୍ଲକର ୫ ଟି ପଞ୍ଚାୟତ ଜଳସେଚନ ସୁବିଧାରୁ ବାଦ ପଡିବ । ଏହାକୁ ନେଇ ଚାଷୀ ମହଲରେ ଅସନ୍ତୋଷ ପ୍ରକାଶ ପାଇବା ସହ ରାଜ ରାସ୍ତାକୁ ଓହ୍ଲାଇଛନ୍ତି । ଏବଂ ଆଗାମୀ ଦିନରେ ସମସ୍ୟାର ସମାଧାନ ନହେଲେ ଆନ୍ଦୋଳନ ଜୋରଦାର କରାଯିବାକୁ ଚେତାବନୀ ଦିଆଯାଇଛି ।