ଉଠିଲାନି ଧାନ, ବିଷ ପିଇ ମରଣ ସହ ଯୁଝୁଛନ୍ତି ଚାଷୀ
ଭଦ୍ରକ (ବଡ଼ ଖବର ବ୍ୟୁରୋ): ଟୋକନର ଧାର୍ଯ୍ୟ ଦିନ ପରେ ମଧ୍ୟ ଧାନ ନେଲେନି । ଧାନ ସଂଗ୍ରହ କେନ୍ଦ୍ରରେ ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ ଚାଷୀ । ଟୋକାନ ପାଇବା ପରେ ଧାନ କିଣା ନହେବାରୁ ସରକାରୀ ଧାନସଂଗ୍ରହ କରୁଥିବା କେନ୍ଦ୍ର ଆଗରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ ଚାଷୀ । ଗୁରୁତ୍ତର ଅବସ୍ଥାରେ ତାଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଥିଲା । ସୂଚନା ଅନୁସାରେ, ଭଦ୍ରକ ଜିଲ୍ଲା ବନ୍ଧଗାଁ ପଞ୍ଚାୟତରେ ବାବା ରାମେଶ୍ୱର ମହିଳା ଗୋଷ୍ଠୀକୁ ଧାନ କିଣା ପାଇଁ ନିର୍ଦ୍ଦେଶ ଦିଆଯାଇଥିଲା ।
ଟୋକନ ତାରିଖ ବିତିଯାଇଥିଲେ ମଧ୍ୟ ଧାନ ନଉଠିବାରୁ , ବାରମ୍ବାର ଚାଷୀ ଜଣକ କେନ୍ଦ୍ରକୁ ଯାଇ ଫେରୁଥିଲେ । ଟୋକନ ତାରିଖ ଯିବା ପରେ ମଧ୍ୟ ଦାୟିତ୍ୱରେ ଥିବା ମହିଳା ଗୋଷ୍ଠୀ ଧାନ ନେଇନଥିଲେ। ରାମକୃଷ୍ଣ ପଣ୍ଡା ନାମକ ଚାଷୀ ଧାନ ସଂଗ୍ରହ କେନ୍ଦ୍ରକୁ ଯାଇଥିଲେ । ସେଠାରେ ତାଙ୍କ ଟୋକନ ତାରିଖ ପରେ ଧାନ ନନେବାରୁ ସେ ଧାନ ସଂଗ୍ରହ କେନ୍ଦ୍ରରେ ବିଷ ପିଇଥିଲେ ।
ପରେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନା ରେ ଭର୍ତ୍ତି କରାଯାଇଥିଲା । ଏତେ ସବୁ ପରେ ୧୫ଦିନ ବିତି ଯାଇଥିଲେ ମଧ୍ୟ କୌଣସି ବିଭାଗୀୟ ଅଧିକାରୀ ତାଙ୍କ କଥା ବୁଝୁ ନାହାନ୍ତି । ଯାହାକି ବାଧ୍ୟ ହୋଇ ପୁଣି ଆଜି ସିଓଏସଙ୍କ ଅଫିସ ଆଗରେ ଧାରଣା ଧାରଣାରେ ବସିଛନ୍ତି ।