ଚାଷୀଙ୍କ ବିକ୍ଷୋଭ
ବୋଲଗଡ଼ (ବଡ଼ ଖବର ବ୍ୟୁରୋ): ସମ୍ପାଦକଙ୍କ ମନୋମୁଖି କାର୍ଯ୍ୟ ଆଭିଯୋଗରେ ସମିତି ସମ୍ମୁଖରେ ଚାଷୀଙ୍କ ବିକ୍ଷାଭ । ଖୋର୍ଦ୍ଧା ଜିଲା ବୋଲଗଡ ବ୍ଲକ ଶ୍ରୀଚନ୍ଦନପୁର ପାଟ୍ଟଣା ପ୍ରାଥମିକ କୃଷି ସେବା ସମବାୟ ସମିତି ସମ୍ମୁଖରେ ଚାଷୀମାନେ ସମ୍ପାଦକଙ୍କ ମନମାନି କାର୍ଯ୍ୟକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି । ଶ୍ରୀଚନ୍ଦନପୁର ପାଟ୍ଟଣା ସେବା ସମବାୟ ସମିତିରେ ଚାଷୀ କମିିଟି ଗଠନ ହେବା ପାଇଁ ସଭା ବସିଥିଲା । କେତେକ ଅଣଚାଷୀ ଗୋଷ୍ଠି ଆସି ବ୍ୟାପକ ହୋହାଲା କରିଥିଲେ ।
ଏପରିକି ୨ଗୋଷ୍ଠି ମଧ୍ୟରେ ଧସ୍ତାଧସ୍ତି ହେବା ସହ ସମବାୟ କର୍ମଚାରୀଙ୍କୁ ତାଲା ପକାଇଦେଇଥିଲେ । ଯାହାଫଳରେ ଚାଷୀ କମିଟି ଗଠନ ହୋଇପାରିନଥିଲା । ଏନେଇ ଉପସ୍ଥିତ ଚାଷୀ ମାନଙ୍କ ମଧ୍ୟରେ ତିବ୍ର ଅସନ୍ତୋଷ ପ୍ରକାଶ ପାଇଥିଲା । ଖବର ପାଇ ବାଙ୍କୋଇ ଫାଣ୍ଡି ପୋଲସ ପହଂଚି ଚାଷୀ ମାନଙ୍କୁ ବୁଝାସୁଝା କରିଥିଲା । ପରେ ସଭା ସ୍ଥଗିତ ରହିଥିଲା । ତେବେ ଆଗାମି ଦିନରେ ଯଦି ଏଭଳି ସମିତିରେ ମନୋମୁଖି କାର୍ଯ୍ୟ ହେବ ତାହାହେଲେ ଚାଷୀ ମାନେ ଗଣତାନ୍ତ୍ରିକ ପଦ୍ଧତିରେ ଆନ୍ଦୋଳନାତ୍ମକ ପନ୍ଥା ବାଛିନେବେ ବୋଲି ଚେତାବନୀ ଦେଇଛନ୍ତି ।