ବୈପାରିଗୁଡ଼ା (ବଡ଼ ଖବର ବ୍ୟୁରୋ): ବୈପାରିଗୁଡା ବ୍ଲକ ମାଝୀଗୁଡ଼ା ପଞ୍ଚାୟତ ମହୁଲପୁଟ ଗାଁରେ ଅଗ୍ନିକାଣ୍ଡ । ଖଳାରେ ଅମଳ ହୋଇ ରହିଥିବା ଧାନଗଦାରେ ନିଆଁ ଲାଗି ୧୦ଜଣ ଚାଷୀଙ୍କ ଧାନ ପୋଡି ପାଉଁଶ ହୋଇଯାଇଛି । ଛୋଟ ଛୁଆମାନେ ଖେଳୁଥିବା ବେଳେ ସେମାନେ ନିଆଁ ଲାଗାଇ ଦେଇଥିବା ଶୁଣିବାକୁ ମିଳୁଛି । ବୈପାରିଗୁଡ଼ା ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ସାଧୁ ମାଳିଙ୍କର ଦୁଇ ଏକର, ବାସୁ ମାଳିଙ୍କର ଦୁଇ ଏକର, କେଶବ ମାଳିଙ୍କର ତିନି ଏକର, ମୋହନ ମାଳି ଏବଂ ମୁକୁନ୍ଦ ମାଳିଙ୍କର ତିନି ଏକର ଜମିର ଧାନ ପୋଡ଼ି ପାଉଁଶ ହୋଇଯାଇଛି। ଅଗ୍ନିଶମ ଅଧିକାରୀ ସୁଶାନ୍ତ କୁମାର ମହାନ୍ତିଙ୍କ ନେତୃତ୍ବରେ ବିଭାଗୀୟ କର୍ମଚାରୀମାନେ ନିଆଁ ଲିଭାଇବାରେ ସହଯୋଗ କରିଥିଲେ।
