ପୁଣି ୬ ଏଚଏ ପଜିଟିଭ ଚିହ୍ନଟ

କଟକ (ବଡ଼ ଖବର ବ୍ୟୁରୋ): ପୁଣି ୬ ଜଣ ଏଚ ଏ ପଜିଟିଭ ଚିହ୍ନଟ । ଏହାକୁ ମିଶାଇ ଦୁଇ ଦିନ ମଧ୍ୟରେ ନୂଆ ୧୧ ଜଣ ଜଣ୍ଡିଶ ରୋଗୀ ଚିହ୍ନଟ ହୋଇଛନ୍ତି । ଆଜି ମଧ୍ୟ ଏହି ଅଞ୍ଚଳରେ ଆଉ କିଛି ବ୍ଲଡ ସାମ୍ପୂଲ୍ ସଂଗ୍ରହ କରାଯିବ ବୋଲି ମହାନଗର ନିଗମ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି । ତେବେ ପରିସ୍ଥିତି ନିୟନ୍ତ୍ରଣ ଆସିବା ଯାଏଁ ଏହି ଅଞ୍ଚଳରେ ସ୍ୱାସ୍ଥ୍ୟକର୍ମୀ ଓ ଆଶାକର୍ମୀ ଘର ଘର ବୁଲି ଲୋକଙ୍କୁ ପିଇବା ପାଣିରେ ହାଲୋଜେନ୍ ବଟିକା ବ୍ୟବହାର ଓ ପାଣି ଫୁଟାଇ ପିଇବା ନେଇ ସଚେତନ କରାଇବା ପାଇଁ କୁହାଯାଇଛି ।

ପାନୀୟ ଜଳ ଯୋଗାଣକାରୀ ସଂସ୍ଥା ୱାଟକୋ ପକ୍ଷରୁ ପାଣି ପାଇପ୍ ମରାମତି କାର୍ଯ୍ୟ ଜାରି ରହିଥିବା ବେଳେ ଆବଶ୍ୟକ ସ୍ଥଳେ ଲୋକଙ୍କୁ ଅସ୍ଥାୟୀ ପାଣି ଟାଙ୍କୀ ଜରିଆରେ ପିଇବା ପାଣି ଯୋଗାଇ ଦିଆଯାଉଛି । ଗତକାଲି ୫୨ ନଂ ୱାର୍ଡ ରାଜେନ୍ଦ୍ର ନଗର ଅଞ୍ଚଳରେ ମହାନଗର ନିଗମ କମିଶନର ଓ ସ୍ଵାସ୍ଥ୍ୟ ଅଧିକାରୀ ବୁଲି ସ୍ଥିତି ଅନୁଧ୍ୟାନ କରିଛନ୍ତି ।