ମାଲକାନଗିରିରେ (ବଡ଼ ଖବର ବ୍ୟୁରୋ): ମାଡି ଆସିଲା ପାହାଡ ପାଣି । ଲଗାଣ ବର୍ଷାରେ ବନ୍ୟା ଘେରରେ ମାଲକାନଗିରି ଜିଲ୍ଲା ମାଥିଲି ବ୍ଲକ ଟେମୃପାଲି ପଞ୍ଚାୟତ । ରାସ୍ତା ଉପରେ ଆଣ୍ଠୁଏ ପାଣି । ପାହାଡ ଉପରୁ ପାଣି ଓ ଲଗାଣ ବର୍ଷା ଉପାନ୍ତ ଗାଁରେ ସୃଷ୍ଟି କରିଛି ହାହାକାର । ୨ ଦିନର ବର୍ଷା ପାଣିରେ ଅତିଷ୍ଠ ହୋଇପଡୁଛନ୍ତି ଗାଁ ଲୋକେ । ରାସ୍ତା ଠାରୁ ଆରମ୍ଭ କରି ଘର ଅଗଣା ଯାଏଁ ଆଣ୍ଠୁଏ ପାଣି । ପାହାଡି ଝରଣାରେ ଧୀରେ ଧୀରେ ଜଳସ୍ତର ବଢିବାକୁ ଲାଗିଛି।
ଏଥିଯୋଗୁ ପୁରା ଗାଁ ବନ୍ୟା ଜଳ ଘେରରେ ରହିଛି। ଚଳିତ ବର୍ଷ ସବୁ ରେକର୍ଡ଼ ଭାଙ୍ଗି ବର୍ଷା ଜଳ ଜୁଲାଇ ମାସରେ ଏପରି ପରିସ୍ଥିତି ଉପୁଜିଥିବା ସ୍ଥାନୀୟ ଲୋକ ପ୍ରକାଶ କରିଛନ୍ତି । ସେହି ପରି ତୁଳସୀ, କେରିମେଟି, ରାସ୍ତାରେ ମାଟି ଅତଡ଼ା ଖସି ଯାତାୟତ ଠପ୍ ହୋଇଯାଇଛି। ଆଗ୍ରୀ ଯୋଡି ଆଉ ଫୁଲ ଯୋଡି ବ୍ରିଜ୍ ଉପରେ ୫ଫୁଟ ପାଣି ପ୍ରଭାବିତ ହେଉଥିବାରୁ ଯୋଗାଯୋଗ ସମ୍ପୂର୍ଣ୍ଣ ଠପ୍ ହୋଇପଡିଛି ।
