ଆଉ ନାହାନ୍ତି କେରଳର ପୂର୍ବତନ ମୁଖ୍ୟମନ୍ତ୍ରୀ ଓମେନ ଚାଣ୍ଡି

କେରଳ(ବଡ଼ ଖବର ବ୍ୟୁରୋ):ବେଙ୍ଗାଲୁରୁରେ ଚିକିତ୍ସାଧୀନ ଅବସ୍ଥାରେ ୭୯ବର୍ଷ ବୟସରେ କେରଳର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା  ଓମେନ  ଚାଣ୍ଡିଙ୍କର ଦେହାନ୍ତ ହୋଇଛି ।

ଓମେନ ଚାଣ୍ଡିଙ୍କ ବିୟୋଗ ନେଇ ତାଙ୍କ ପୁଅ ସମାଜିକ ଗଣମାଧ୍ୟମରେ ପୋଷ୍ଟ କରି ସୂଚନା ଦେଇଛନ୍ତି । ଦୀର୍ଘଦିନଧରି ଅସୁସ୍ଥ ଥିଲେ ଓମେନ ଚାଣ୍ଡି । ଗତ ଅକ୍ଟୋବର ମାସରେ ସେ ବର୍ଲିନର ଚାରିଟି ହସ୍ପିଟାଲରେ ଚିକିତ୍ସିତ ହୋଇଥିଲେ । ରବିବାର ସ୍ୱାସ୍ଥ୍ୟବସ୍ଥା ବିଗିଡିବାରୁ ତାଙ୍କୁ ଏୟାରଲିଫ୍ଟ କରିଯାଇଥିଲା ଆଜି ତାଙ୍କର ଦେହାନ୍ତ ହୋଇଛି ।

ଓମେନ ଚାଣ୍ଡିଙ୍କ ବିୟୋଗରେ ରାହୁଲ ଗାନ୍ଧି, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନଖଡ୍ଡଗେ, କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜାୟାନ ଗଭୀର ଶୋକ ପ୍ରକାଶ କରିଛନ୍ତି । ଚାଣ୍ଡିଙ୍କ ବିୟୋଗକୁ ନେଇ କେରଳ ସରକାର ଦୁଇଦିନିଆ ରାଷ୍ଟ୍ରୀୟ ଶୋକ ପାଳନ ନେଇ ଘୋଷଣା କରିଛନ୍ତି ।