ଧାନ ଜମି ଫାଟି ଆଁ, ଚିନ୍ତାରେ ଚାଷୀ

କଣାସ (ବଡ଼ ଖବର ବ୍ୟୁରୋ): ପାଣି ନପାଇ ଧାନ ଜମି ଫାଟି ଆଁ । ଜଳିଗଲା ହଜାର ହଜାର ହେକ୍ଟର ଧାନ ଚାଷ । ଚାଷୀ ମୁଣ୍ଡରେ ଚଡ଼କ । ଚିନ୍ତାରେ ଚାଷୀ କୂଳ । ଚିନ୍ତା ବଢ଼ାଇଛି ରାଜ୍ୟ ସରକାର ଙ୍କ ଜଳସମ୍ପଦ ବିଭାଗ ର ନୀରବତା । ପୂର୍ବରୁ ବନ୍ୟା ଜଳ ଧୋଇନେଇଥିଲା ଧାନ ଚାଷ । ଏବେ ଜଳବୁନ୍ଦାଏ ପାଇଁ ଧାନ ଗଛ ଜଳି ଜମି ଫାଟି ଆଁ କଲାଣି । ଜମି ଉପରେ ବସି ମୁଣ୍ଡରେ ହାତଦେଇ ଭାବୁଛି ଚାଷୀ । କଣାସ ହେଉଛି ବନ୍ୟା ପ୍ଲାବିତ ଅଞ୍ଚଳ । ବନ୍ୟା ସମୟରେ ହୋଇଥିବା କ୍ଷୟକ୍ଷତିର ସହାୟତା ମିଳିନଥିବା ବେଳେ ଏବେ ଆଉ ଏକ ସମସ୍ୟା ଦେଖାଦେଇଛି । ତେବେ ସରକାରଙ୍କ ପକ୍ଷରୁ ସହାୟତା ନମିଳିଲେ ଚାଷୀ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି ।