ଏକ ବର୍ଷର ରିପୋର୍ଟ କାର୍ଡକୁ ତାଛଲ୍ୟ କଲେ ପୂର୍ବତନ ପିସିସି ସଭାପତି
ବ୍ରହ୍ମପୁର (ବଡ଼ ଖବର ବ୍ୟୁରୋ): ବ୍ରହ୍ମପୁର ଗସ୍ତରେ ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ। ଶୁକ୍ରବାର ବ୍ରହ୍ମପୁର କଂଗ୍ରେସ ଭବନରେ ପହଞ୍ଚିଥିବା ବେଳେ ଜିଲ୍ଲା କଂଗ୍ରେସ ପକ୍ଷରୁ ସମ୍ବର୍ଦ୍ଧନା ଜଣାଯାଇଥିଲା। ଏହା ପରେ ଜିଲ୍ଲା ସଭାପତି ଦୀପକ ପଟ୍ଟନାୟକ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରସାଦ ହରିଚନ୍ଦନ ରାଜ୍ୟର ବିଜେପି ସରକାର ଯେଉଁ ଏକ ବର୍ଷର ବିକାଶ କଥା କହିଛନ୍ତି ତାହାକୁ ନେଇ କଟାକ୍ଷ କରି କହିଛନ୍ତି।
ପୂର୍ବ ସରକାର ବଦଳିବା ପରେ ନୂତନ ବିଜେପି ସରକାର ଯାହା ପ୍ରତିଶ୍ରୁତି ଦେଇଥିଲେ ତାହା କିଛି ବି ପାଳନ କରିନାହାନ୍ତି ।ଏକ ବର୍ଷ ରେ ନାରୀ ନିର୍ଯାତନା ବଢିଛି । ନାରୀମାନେ ସୁରକ୍ଷିତ ନୁହନ୍ତି । ଦୁଷ୍କର୍ମ ବଢିଛି, ମଦର ବନ୍ୟା ହୋଇଛି । ଉତ୍କର୍ଷ ଓଡ଼ିଶାରେ ଯେଉଁ ଲକ୍ଷ ଲକ୍ଷ କୋଟି ଟଙ୍କାର ଶିଳ୍ପ ପ୍ରତିଷ୍ଠା କରାଯାଇଛି ବୋଲି କହିଛନ୍ତି ସାମାନ୍ୟ କାର୍ଯ୍ୟ ହୋଇନାହିଁ। ଚାଷୀଙ୍କ ପାଇଁ ଜଳ ସେଚନ ବ୍ୟବସ୍ଥା ନାହିଁ । ସବୁ ମିଥ୍ୟା ପ୍ରତିଶ୍ରୁତି ଦେଇ ଲୋକଙ୍କୁ ପ୍ରତାରଣା ଦେଇଛନ୍ତି ବୋଲି ଶ୍ରୀ ହରିଚନ୍ଦନ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି।