ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତୌଳ କମ୍ପାନୀ ତରଫରୁ ମିଳିଲା ଆଉ ଏକ ଶକ୍ତ ଝଟକା । ଜନ ସାଧାରଣଙ୍କ ପାଇଁ ବଢିଲା ଆଉ ଏକ ଚିନ୍ତା । ଗୋଟେ ପଟେ ପେଟ୍ରୋଲ ଓ ଡିଜେଲର ଦର ବୃଦ୍ଧି ପାଉଥିବାରୁ ସମସ୍ତେ ଚିନ୍ତାରେ ଅଛନ୍ତି । ତେଣେ ହାଣ୍ଡିଶାଳରେ ସୃଷ୍ଟି ହେଲାଣି ଝଡ଼ । ବୃଦ୍ଧି ପାଇଛି ଘରୋଇ ଗ୍ୟାସ ସିଲିଣ୍ଡରର ଦାମ । ଏହି ଦର ବୃଦ୍ଧି ପରେ ୧୪.୨ କେଜି ଏଲପିଜି ସିଲିଣ୍ଡରର ଦାମ ୭୬୯ ଟଙ୍କାରୁ ୭୯୪ ଟଙ୍କା ହୋଇଯାଇଛି ।
ଏହି ନୂଆ ଦର ୨୫ ତାରିଖ ମଧ୍ୟରାତ୍ରିରୁ ଲାଗୁ ହେବାକୁ ଯାଉଛି । ଫେବୃଆରୀରେ ୩ ଥର ଗ୍ୟାସ୍ ସିଲିଣ୍ଡର ଦାମ୍ ବୃଦ୍ଧି ପାଇଛି । ଫେବୃଆରୀ ୪ରେ ସରକାର ଏଲପିଜି ସିଲିଣ୍ଡରର ଦାମ ୨୫ ଟଙ୍କା ବଢାଇଥିଲେ । ଏହାପରେ ୧୫ ତାରିଖରେ ୫୦ ଟଙ୍କା ବଢିଥିଲା । ଏବେ ପୁଣି ୨୫ ଟଙ୍କା ବଢିଛି ଗ୍ୟାସ ସିଲିଣ୍ଡରର ଦାମ । ଚଳିତ ମାସରେ ଗ୍ୟାସ ସିଲିଣ୍ଡରର ଦାମ ୩ ଥର ବୃଦ୍ଧି ପାଇଛି । ବିନା ସବସିଡିରେ ମିଳୁଥିବା ସିଲିଣ୍ଡରର ଦାମରେ ଆଉ ୨୫ ଟଙ୍କା ବୃଦ୍ଧି ପାଇଛି ।
ଡିସେମ୍ବର ପହିଲାରୁ ଗ୍ୟାସ ସିଲିଣ୍ଡରର ଦର ୫୯୪ ଟଙ୍କାରୁ ୬୪୪ ଟଙ୍କାକୁ ବୃଦ୍ଧି ପାଇଥିଲା । ଏହାପରେ ପୁଣି ଜାନୁଆରୀ ପହିଲାରୁ ୫୦ ଟଙ୍କା ବଢିଥିଲା ଦାମ । ଫଳରେ ଗ୍ୟାସ ଦର ୬୪୪ ଟଙ୍କାର ସିଲିଣ୍ଡର ୬୯୪ ଟଙ୍କା ହୋଇଥିଲା । ସେହିପରି ୪ ଫେବ୍ରୃଆରୀରେ ମଧ୍ୟ ଦର ବଢି ୭୧୯ ରେ ପହଞ୍ଚିଥିଲା ।
