ବାଲେଶ୍ୱର(ବଡ଼ ଖବର ବ୍ୟୁରୋ): ଉତ୍ତର ଓଡ଼ିଶାର ପ୍ରମୁଖ ବୈଷ୍ଣବ ମଠ ରେମୁଣାର କ୍ଷୀରଚୋରା ଗୋପୀନାଥ । ୮୦୦ ବର୍ଷର ଏହି ମନ୍ଦିରରେ ସ୍ୱୟଂ ଗୋପୀନାଥ , ମଦନମୋହନ ଏବଂ ଗୋବିନ୍ଦ ଜିଉ ପୂଜାପାଇ ଆସୁଛନ୍ତି । ଭୋଗ ହେଉଛି ଅମୃତକେଳି ବା କ୍ଷୀରା । ଏହାକୁ ଦେଶ ବିଦେଶର ଲୋକେ ପାଇବା ପାଇଁ ଏଠାକୁ ଧାଇଁ ଆସିଥାନ୍ତି । ଆଜି ସେହି କ୍ଷୀରଚୋରା ଗୋପୀନାଥ ଅଭାବ ଅନଟନ ଦେଇ ଗତି କରୁଛନ୍ତି ।
ଏମିତିକି ପ୍ରଭୁ ଗୋପୀନାଥଙ୍କ ପ୍ରତିଦିନ ହେଉଥିବା ନୀତିକାନ୍ତିରେ ଦେଖା ଦେଇଛି ଅନେକ ବିଭ୍ରାଟ । ଅଧିକାଂଶ ସମୟରେ ବନ୍ଦ ରହୁଛି ଗୋପୀନାଥଙ୍କ ନିକଟରେ ଲାଗି ହେଉଥିବା ଅମୃତକେଳି । କରୋନା କଟକଣା ସହିତ ଗୋପୀନାଥ ମନ୍ଦିରରେ ଅମୃତକେଳି ବନ୍ଦ କରାଯାଇଛି । ଫଳରେ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି । ମନ୍ଦିର ପ୍ରଶାସନ ବାହାରୁ କ୍ଷୀର ପ୍ୟାକେଟ କିଣି ଅତ୍ୟନ୍ତ ନିମ୍ନମାନର ଭୋଗ ପ୍ରସ୍ତୁତ କରୁଛି । ଏହି ଭୋଗ କେବଳ ଗୋପୀନାଥଙ୍କ ନିକଟରେ ଲାଗି ହେବାକୁ କରାଯାଉଛି ବୋଲି କିଛି ଭକ୍ତ ଅଭିଯୋଗ କରିଛନ୍ତି ।
