ହାଥରାସ ମାମଲାର ତଦନ୍ତ କରିବ ସିବିଆଇ

ଲକ୍ଷ୍ନୌ (ବଡ଼ ଖବର ବ୍ୟୁରୋ): ଉତ୍ତରପ୍ରଦେଶର ହାଥରାସ ଗଣବଳାତ୍କାର ଓ ହତ୍ୟା ମାମଲାକୁ ନେଇ ରାଜନୀତି ଜୋର ଧରିଛି । କଂଗ୍ରେସ ଏହାକୁ ନେଇ ରାଜରାସ୍ତାକୁ ଓହ୍ଲାଇଛି । ସାରା ଦେଶରେ କଂଗ୍ରେସ ଏହାକୁ ପ୍ରସଙ୍ଗ କରିବାରେ ଲାଗିପଡିଛି । ହାଥରାସ ପୋଲିସ ପୀଡ଼ିତାଙ୍କ ପରିବାର ସହ କାହାକୁ ଭେଟ କରାଇ ଦେଉନି । ଯାହାକୁ ନେଇ ଉତ୍ତରପ୍ରଦେଶ ସରକାର ତୀବ୍ର ସମାଲୋଚନାର ଶିକାର ହୋଇଛନ୍ତି ।

ବହୁ ବାଦବିବାଦ ଓ ବିରୋଧ ପରେ ପୀଡ଼ିତାଙ୍କ ପରିବାରକୁ ଭେଟିବା ପାଇଁ ଆଜି ରାହୁଲ ଗାନ୍ଧିଙ୍କୁ ଅନୁମତି ମିଳିଥିଲ। । ରାହୁଲ ପୀଡ଼ିତା ପରିବାରକୁ ଭେଟିବାକୁ ଯିବା ଅବସରରେ ବଡ଼ ନିଷ୍ପତ୍ତି ନେଇଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏହି ଘଟଣାରେ ପୋଲିସ, ଏସ୍ଆଇଟିର ଭୂମିକା ସନ୍ଦେହଘେରକୁ ଆସିଥିବାରୁ ଯୋଗୀ ଘଟଣାର ସିବିଆଇ ତଦନ୍ତ କରିବାକୁ ସୁପାରିସ କରିଛନ୍ତି ।