(ବଡ଼ ଖବର ବ୍ୟୁରୋ): ପିଙ୍କ୍ ହ୍ରଦ୍ । ସାଧାରଣତଃ ପାଣିର କୌଣସି ରଙ୍ଗ ନଥାଏ । କିନ୍ତୁ ଆର୍ଜେଣ୍ଟିକାରେ ଅଛି ପିଙ୍କ୍ ହ୍ରଦ । ଏହି ହ୍ରଦର ପାଣି ପିଙ୍କ୍ । ଆର୍ଜେଣ୍ଟିନାର ସହର ଟ୍ରେଲିୟୁର ଇଣ୍ଡୋଷ୍ଟ୍ରିଆଲ ପାର୍କ ନିକଟରେ ରହିଛି ଏହି ପିଙ୍କ ହ୍ରଦ । ଏହି ହ୍ରଦର ପାଣି ପିଙ୍କ୍ କାହିଁକି ହୋଇଛି ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଅତ୍ୟଧିକ ପ୍ରଦୂଷଣ ଯୋଗୁଁ ହ୍ରଦର ପାଣିର ରଙ୍ଗ ବଦଳି ଯାଇଛି ।
ହ୍ରଦ ନିକଟରେ ବହୁ ଶିଳ୍ପ ଗଢିଉଠିଛି । କଳାକାରଖାନାରୁ ନିର୍ଗତ ବର୍ଜ୍ୟଜଳ ଏହି ହ୍ରଦରେ ମିଶୁଛି । କ୍ରମାଗତ ଭାବେ ଏହି ଧାରାରେ ପରିବର୍ତ୍ତନ ହେଉନଥିବାରୁ ହ୍ରଦର ପାଣି ପିଙ୍କ୍ ହୋଇଯାଇଛି । ସ୍ଥାନୀୟ ପରିବେଶ ବିଭାଗର ଅଧିକାରୀମାନେ କହିଛନ୍ତି, କିଛି ଦିନ ପରେ ହ୍ରଦର ପାଣିର ରଙ୍ଗ ପୂର୍ବ ଅବସ୍ଥାକୁ ଫେରି ଆସିବ । ଆଉ କିଛି ପରିବେଶବିତଙ୍କ ମତ, ପ୍ରଦୂଷଣ ମାତ୍ରା ବଢୁଥିବାରୁ ଧୀରେ ଧୀରେ ଏହି ହ୍ରଦ ତା’ର ସତ୍ତା ହରାଇବାକୁ ଯାଉଛି ।
