ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ

ନର୍ଲା (ବଡ଼ ଖବର ବ୍ୟୁରୋ): ଦୁଇ ଦିନ ହେଲା ରାଜ୍ୟର କିଛି ଜିଲ୍ଲାରେ ଲଘୁଚାପ ଜନିତ ଲଗାଣ ବର୍ଷା ଜାରି ରହି ଥିବା ବେଳେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ୍ରେ ୨୪ ଘଣ୍ଟା ଧରି ଲଗାଣ ବର୍ଷା ହେବା ଫଳରେ ବିଭିନ୍ନ ଖାଲୁଆ ଅଞ୍ଚଳରେ ପାଣି ଜମିବା ସହିତ ଅନେକ ସ୍ଥାନରେ ଲୋକେ ଜଳ ବନ୍ଦୀ ଭାବେ ଜୀବନ ବିତାଉ ଥିବା ଦେଖି ବାକୁ ମିଳିଛି। ଲାଞ୍ଜିଗଡ଼ ବିଭିନ୍ନ ସ୍ଥାନରେ ଗଛ ପଡିବା ସହିତ ପିଡବ୍ଲ୍ୟୁଡି ରାସ୍ତାରେ ଘାଇ ହେବା ଫଳରେ ଗମନା ଗମନ ସମ୍ପୂର୍ଣ୍ଣ ଠପ୍ ହୋଇଯାଇଛି।

ରାସ୍ତା ଉପରେ ୩ ରୁ ୪ ଫୁଟର ପାଣି ଜମି ରହିବା ଯୋଗୁଁ ଲୋକେ ନାହିଁ ନ ଥିବା ଅସୁବିଧା ଭୋଗୁଥିବା ନଜର କୁ ଆସିଛି। ପାଣି ପାଗ ସୂଚନା କୁ ଦେଖି ଲୋକେ ଭୟ ଓ ଆଶଙ୍କାରେ ଅଛନ୍ତି। ପ୍ରଶାସନ ଏଥି ପ୍ରତି ଦୃଷ୍ଟି ଦେବା ଜରୁରୀ ହୋଇ ପଡିଛି।