ପିପିଲି (ବଡ଼ ଖବର ବ୍ୟୁରୋ): ବିଧାୟକ ନହୋଇ ମଧ୍ୟ ପୁରୀ ଜିଲ୍ଲାର ଉନ୍ନୟନ କାର୍ଯ୍ୟର ସମୀକ୍ଷା ବୈଠକରେ ଯୋଗଦେଲେ ରୁଦ୍ର ମହାରଥୀ । ପିପିଲିର ପୂର୍ବତନ ବିଧାୟକ ପ୍ରଦୀପ ମହାରଥୀଙ୍କ ଦେହାନ୍ତ ପରେ ପିପିଲି ଏବେ ବିଧାୟକ ଶୂନ୍ୟ । ଉପନିର୍ବାଚନ ପାଇଁ ତାରିଖ ଘୋଷଣା ହୋଇଥିଲା । ବିଭିନ୍ନ ଦଳ ପକ୍ଷରୁ ମଧ୍ୟ ପ୍ରାର୍ଥୀଙ୍କ ନାମ ଘୋଷଣା ସରିଥିଲା ।
କିନ୍ତୁ ଜଣେ ପ୍ରାର୍ଥୀଙ୍କ ମୃତ୍ୟୁ ଓ କରୋନା ପାଇଁ ଉପନିର୍ବାଚନ ହୋଇପାରି ନାହିଁ । ପିପିଲିରେ ବିଧାୟକ ପଦ ଖାଲିରହିଛି। ତେବେ ବିଧାୟକ ନଥିଲେ ମଧ୍ୟ ୨ତାରିଖରେ ଭୁବନେଶ୍ବରର ସର୍କିଟ ହାଉସରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁଙ୍କ ନେତୃତ୍ବରେ ପୁରୀ ଜିଲ୍ଲାର ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା ବୈଠକରେ ଯୋଗଦେଇଥିଲେ ।
ଜିଲ୍ଲାର ମନ୍ତ୍ରୀ, ପୂର୍ବତନ ମନ୍ତ୍ରୀ ଓ ବିଧାୟକ ଉପସ୍ଥିତ ଥିବା ବେଳେ ପିପିଲି ପାଇଁ ପ୍ରତିନିଧିତ୍ଵ କରିଥିଲେ ରୁଦ୍ର । ତେବେ ରୁଦ୍ର ବିଧାୟକ ନ ହୋଇ ସମୀକ୍ଷା ବୈଠକରେ ଯୋଗଦେବା ସାଧାରଣ ଜନତାଙ୍କୁ ଚକିତ କରିଛି ।
